Bókari og uppgjörsaðili Fullt starf

Bókari – LOGN Bókhald

LOGN leitar að öflugum einstakling með góða reynslu og þekkingu af bókhaldi, uppgjörsvinnu, afstemmingum og launavinnslu til starfa. Unnið er á DK bókhaldskerfið fyrir flesta viðskiptavini. Viðkomandi þarf að geta unnið sjálfstætt og tekið frumkvæði, verið lausnamiðaður og geta unnið við fjölbreytt verkefni og sinnt stórum hópi viðskiptavina, sem og að eiga auðvelt með samskipti við samstarfsfólk og viðskiptavini.

Menntun sem nýtist í starfi og reynsla í sambærilegu starfi er skilyrði. Viðurkenndur bókari er kostur. Unnið er í tímaskráningu og er mikill kostur ef viðkomandi hefur reynslu af því.

LOGN er ung bókhaldsstofa sem var stofnuð mitt árið 2022 og stækkar hratt. Í dag erum við fjögur og skiptir gott starfsumhverfi okkur miklu máli. Við leggjum áherslu á að tala við viðskiptavini okkar á mannamáli og fræða þá um undirstöðuatriði rekstursins til að létta á álagi og stressi sem fylgir því að vera í rekstri. Þekking er máttur!

Helstu verkefni og ábyrgð

• Færsla bókhalds
• Launvinnsla
• Afstemmingar
• Uppgjörsvinna fyrir ársuppgjör
• Virðisaukaskattskil
• Önnur tilfallandi verkefni

Menntunar- og hæfniskröfur

• Viðurkenndur bókari kostur
• Menntun sem nýtist í starfi
• Reynsla í sambærilegu starfi
• Mjög góð tölvukunnátta
• Samskiptafærni
• Góð íslenskukunnátta
• Reynsla í DK skilyrði
• Reynsla í framtalsgerð fyrirtækja og einstaklinga er kostur
• Frumkvæði, vandvirkni og öguð vinnubrögð
• Útreikningur launa
• Reynsla í afstemmingum og uppgjöri

Tagged as: aðalbókari, atvinna í boði, bókari, Draumastarfið