Laust er til umsóknar fullt starf aðjúnkts 2 í stærðfræði við Raunvísindadeild Verkfræði- og náttúruvísindasviðs Háskóla Íslands. Starfið er tímabundið til eins árs. Hlutverk aðjúnktsins er að stuðla að farsælu upphafi skólagöngu nemenda í grunnnámi með markvissum og viðeigandi stuðningi. Starfsskyldur aðjúnktsins skiptast í 90% kennslu og prófavinnu og 10% í önnur verkefni.

• Umsjón og kennsla stuðningsnáms fyrir nemendur í grunnámskeiðum í stærðfræði

• Val á verkefnum, skipulag nemendahópa, eftirlit með mætingu og námsmat

• Kennsla við önnur námskeið á námsbraut í stærðfræði eftir samkomulagi

• Fundarseta og önnur tilfallandi þátttaka innan deildar

• Meistarapróf í stærðfræði eða skyldum greinum, t.d. verkfræði eða eðlisfræði

• Reynsla af kennslu á háskóla- eða framhaldsskólastigi

• Hæfni til að kenna hópum og virkja þá í kennslustund

• Góð færni í íslensku og ensku í ræðu og riti

• Samstarfshæfni og lipurð í mannlegum samskiptum

• Frumkvæði og sjálfstæði í starfi

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Við Verkfræði- og náttúruvísindasvið er stuðningur við nemendur í sífelldri þróun. Á vormisseri 2026 er stefnt að því að bjóða nemendum upp á námskeið sem veitir þeim rétt til endurtektar lokaprófs í námskeiðinu Stærðfræðigreining I . Skipulag kennslu er mótað í samstarfi við námsbraut í stærðfræði og stjórn Verkfræði- og náttúruvísindasviðs. Námið skal fara fram að miklu leyti í verkefnavinnu eftir kennsluaðferð hugsandi skólastofu, eða sambærilegum aðferðum, og er kennt eftir hádegi.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans.Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir í grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir