Laust er til umsóknar fullt starf aðjúnkts á sviði íþrótta- og heilsufræði við Menntavísindasvið Háskóla Íslands. Leitað er að íþróttafræðingi sem hefur brennandi áhuga á að koma að menntun íþróttakennara / íþróttaþjálfara og þróun kennslu við námsbrautina. Starfsskyldur aðjúnkts munu meðal annars felast í umsjón með vettvangsnámi nemenda í íþróttafræði. Meðal námsskeiða sem koma til greina að aðjúnktinn kenni eru Námskrá og námsmat, Kennslufræði íþrótta, Áskoranir og nýsköpun í íþróttum, Íþróttagreinar s.s. knattleikir, Markaðsfræði og stjórnun og íþróttir og samfélag.

• Kennsla í námskeiðum í íþrótta og heilsufræði, í grunn- og framhaldsnámi.

• Leiðsögn með lokaverkefnum nemenda.

• Þátttaka í rannsóknum.

• Þátttaka í stjórnun deildarinnar.

• Umsjón með vettvangsnámi nemenda í íþróttafræði.

• Bakkalárgráða í íþróttafræði.

• Meistarapróf á sviði íþróttafræði eða skyldra fræðigreina.

• Reynsla af kennslu í grunn- eða framhaldsskóla.

• Reynsla af kennslu í Háskóla er kostur.

• Reynsla af vinnu við rannsóknir á fræðasviðinu er kostur.

• Reynsla á störfum innan íþróttahreyfingarinnar er æskileg.

• Samstarfshæfni og lipurð í samskiptum.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Eftirfarandi gögn skulu fylgja umsókn:

• Ferilskrá

• Staðfest afrit af prófskírteinum

• Greinagerð þar sem áhuga fyrir starfinu er lýst og fjallað um hvað umsækjandi getur lagt af mörkum til þess

• Upplýsingar um umsagnaraðila

Við ráðningu verður miðað við að sá er starfið hlýtur falli sem best að aðstæðum og þörfum námsbrautar í íþrótta- og heilsufræði og sviðsins í heild.

Æskilegt er að viðkomandi geti hafið störf 1. júlí 2025.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningar í störf í Háskóla Íslands er tekið mið af jafnréttisáætlun skólans.Vakin er athygli á málstefnu Háskóla Íslands.

Á Menntavísindasviði fer fram rannsóknatengt starfsnám fyrir kennara á leik-, grunn- og framhalds- og háskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang.

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.