Aðstoðaryfirlögregluþjónn á löggæslusviði – Lögreglustjórinn á Suðurnesjum

Aðstoðaryfirlögregluþjónn á löggæslusviði – Lögreglustjórinn á Suðurnesjum

Við embætti lögreglustjórans á Suðurnesjum er laus til umsóknar staða aðstoðaryfirlögregluþjóns í almennri deild á löggæslusviði. 

Stefnt er að því að setja í embættið frá og með 1. janúar 2023 til reynslu í eitt ár með skipun í huga að reynslutíma loknum.

Hjá embættinu vinna um 200 manns í ólíkum og krefjandi störfum en í umdæmi lögreglu er stærsti alþjóðaflugvöllur landsins, Keflavíkurflugvöllur.  

Á góðum vinnustað reynir á margs konar færni starfsmannsins og hér gefst einstakt tækifæri til að öðlast reynslu við lausn verkefna fyrir lögreglumenn sem sækja vilja fram.

Við viljum vera þekkt fyrir góða þjónustu og fagleg vinnubrögð.  Að hér starfi vel þjálfaðir lögreglumenn.  Að starfsandi sé góður og að hér vilji lögreglumenn vinna til frambúðar.

Í ráðningarferlinu verður stuðst við stjórnendastefnu ríkisins þar sem m.a. er lögð áhersla á að stjórnandi gangi fram með góðu fordæmi og sýni frumkvæði í starfi. 

Við leitum að kraftmiklum og jákvæðum leiðtoga til að leiða lögregluliðið inn í framtíðina.

Helstu verkefni og ábyrgð

• Dagleg stjórn lögregluliðs í samráði við yfirlögregluþjón.
• Hann er yfirlögregluþjóni til aðstoðar.*
• Yfirumsjón með búnaðarmálum embættisins sem og þjálfun almennra lögreglumanna.
• Stjórn stærri aðgerða í samstarfi við aðra stjórnendur.
• Eftirlit með að reglum og fyrirmælum sé framfylgt og að fjárhagslegur rekstur deildarinnar sé innan fjárheimilda.*
• Stjórn og ábyrgð á deild svo og tilteknum verkefnum sem honum eru falin og krefjast sérstakrar þekkingar, þjálfunar og/eða menntunar, þ.m.t. rannsókn mála og aðstoð við saksókn.*
• Þátttaka í áætlanagerð, skipulagningu og markmiðssetningu embættisins.
• Ábyrgð og ákvarðanataka gagnvart stjórnun og stefnu viðkomandi deildar í samráði við yfirlögregluþjón.
• Úrvinnsla starfsmannamála í samráði við aðra stjórnendur.
• Samskipti og samstarf ásamt aðstoð við önnur lögregluembætti og hagsmunaaðila, innanlands sem og á alþjóðavísu.

*Sjá 6. gr. reglugerðar um starfsstig innan lögreglunnar nr. 1051/2006.

Hæfniskröfur

Skilyrði

• Próf frá Lögregluskóla ríkisins og eða diplómanám í lögreglufræðum sem jafngildir a.m.k. 120 stöðluðum námseiningum þ.m.t starfsnámi á vegum lögreglunnar.
• Hafa starfað sem lögreglumaður í a.m.k. 5 ár frá því að tilskyldu námi lauk.
• Reynsla og þekking af aðgerðastjórn og viðbragðsáætlunum.
• Afburða þekking á lögreglukerfinu (LÖKE).
• Hæfni til að koma fram sem talsmaður lögreglu.

Mikilvægir kostir

• Starfs- og stjórnunarreynsla hjá lögreglu.
• Önnur menntun og reynsla sem nýtist í starfi.
• Reynsla og þekking á alþjóðlegu lögreglusamstarfi.
• Góð enskukunnátta, fleiri tungumál eru kostur.
• Færni til að tjá sig í ræðu og riti á íslensku og ensku.

Mikilvægir eiginleikar

• Sveigjanleiki og gott álagsþol.
• Framúrskarandi færni í mannlegum samskiptum.
• Sjálfstæði og góðir skipulagshæfileikar.
• Jákvæðni og traust vinnubrögð.
• Leiðtogafærni.
• Frumkvæði.
• Færni til að takast á við og leiða breytingar.
• Færni til að greina og vinna með upplýsingar.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.

Starfið er dagvinna.

Eftirfarandi upplýsingum er beint til umsækjenda.   Samkvæmt 28. gr. a lögreglulaga nr. 90/1996 er mælt fyrir um að engan megi skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Umsækjendur eru vinsamlegast beðnir um að sækja um starfið með því að smella á hlekkinn hér að neðan og láta ferilskrá og kynningarbréf fylgja með sem viðhengi. Umsækjendur eru vinsamlegast beðnir um að vanda umsóknir sínar. 

Einungis er tekið við umsóknum með þessum hætti. Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu liggur fyrir.

Varðandi persónuverndarákvæði gagnvart umsækjendum, sjá vef lögreglunnar: https://www.logreglan.is/wp-content/uploads/2020/04/Persónuverndaryfirlýsing-til-umsækjenda.pdf

Auglýsing þessi gildir í 6 mánuði, sbr. ákvæði 3. tl. 2. mgr. 2. gr. reglna nr. 464/1996 um auglýsingar á lausum störfum með síðari breytingum.

Starfshlutfall er 100%

Umsóknarfrestur er til og með 30.11.2022

Nánari upplýsingar veitir

Bjarney Sólveig Annelsdóttir, yfirlögregluþjónn
–
[email protected]
–
4442200
Kristín Þórdís Þorgilsdóttir
–
[email protected]
–
4442200

Smelltu hér til að sækja um starfið