Innskrá
Búa til aðgang
Deildarstjóri heilbrigðisgagnadeildar HVE
Heilbrigðisstofnun Vesturlands auglýsir laust til umsóknar starf deildarstjóra heilbrigðisupplýsinga HVE á Akranesi. Deildarstjóri er yfirmaður heilbrigðisgagnafræðinga á HVE Akranesi og jafnframt gæðastjóri heilbrigðisgagna á HVE. Næsti yfirmaður er framkvæmdarstjóri lækninga.
Heilbrigðisgagnadeild hefur umsjón með heilbrigðisupplýsingakerfum HVE. Á deildinni fer fram gæðaeftirlit og samþætting skráningar í rafræna sjúkraskrá ásamt þjónustu við notendur rafrænna kerfa og kennsla heilbrigðisstétta. Einnig fjölbreytt úrvinnsla úr gagnagrunnum rafrænnar sjúkraskrár, vinnsla starfsemisupplýsinga, útgáfa og birting.
Helstu verkefni og ábyrgð
- Fagleg ábyrgð á skipulagi og þróun starfseminnar.
- Dagleg stjórnun.
- Eftirfylgd með rekstraráætlun.
- Kerfisumsjón rafrænna sjúkraskrárkerfa á HVE.
- Situr í eftirlitsnefnd sjúkraskrár á HVE og stýrihóp um rafræna sjúkraskrá á HVE.
- Gæðastjóri skráningar og tengiliður HVE við Embætti Landlæknis um málefni er varða gæði skráningar heilbrigðisupplýsinga.
- Önnur tilfallandi verkefni.
Hæfniskröfur
- Starfsleyfi frá Embætti landlæknis sem heilbrigðisgagnafræðingur.
- Reynsla og góð þekking á sjúkrarskrárkerfum.
- Stjórnunarreynsla æskileg.
- Framhaldsnám sem nýtist í starfi ákjósanlegt.
- Sjálfstæði, frumkvæði og lausnamiðuð nálgun.
- Faglegur metnaður og framúrskarandi samskiptahæfni.
- Leiðtogahæfni og metnaður til að ná árangri í starfi.
- Hæfni og geta til að starfa í teymi.
- Góð íslenskukunnátta er skilyrði.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Sótt er um starfið rafrænt á www.hve.is, undir “laus störf” eða á starfatorg.is. Umsókn fylgi náms- og starfsferilskrá ásamt afriti af prófskírteinum og starfsleyfi.
Um er að ræða fullt starf og æskilegt að viðkomandi geti hafið störf sem fyrst.
Starfshlutfall er 100%
Umsóknarfrestur er til og með 02.05.2023
Nánari upplýsingar veitir
Guðrún Ingimarsdóttir
–
[email protected]
–
4321000
Þórir Bergmundsson
–
[email protected]
–
4321000
