Dómritari hjá Héraðsdómi Reykjavíkur – tímabundið starf
Við leitum að tímabundnum liðsauka í hóp dómritara. Starfið felst í afar fjölbreyttum verkefnum sem tengjast rekstri og úrlausn dómsmála. Skipulögð og sjálfstæð vinnubrögð, stafræn hæfni og lipurð í samskiptum skipta lykilmáli í starfinu.
Helstu verkefni og ábyrgð
Dómritarar vinna náið með dómurum, aðstoðarmönnum dómara og öðru starfsfólki dómstólsins að því að tryggja réttláta og faglega málsmeðferð.
Meðal helstu verkefni dómritara:
Undirbúningur þinghalda og ýmis umsýsla varðandi dómsmál.
Þátttaka í skipulagningu dagskrár dómsins.
Aðstoð við dómara í þinghaldi.
Samskipti við lögmenn og málsaðila.
Frágangur mála og útgáfa dóma.
Hæfniskröfur
Góð íslenskukunnátta í ræðu og riti.
Þekking og / eða reynsla af stafrænni umbreytingu.
Hæfni í mannlegum samskiptum og rík þjónustulund.
Vandvirkni og ögun í vinnubrögðum.
Áhugi og vilji til að tileinka sér nýjungar.
Háskólapróf sem nýtist í starfi eða sambærileg menntun.
Reynsla og þekking á Gopro hugbúnaði er kostur.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Fræðagarður hafa gert.
Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.
Starfið er tímabundið eða til 1. júlí 2024.
Æskilegt er að umsækjandi geti hafið störf sem fyrst.
Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í allt að 6 mánuði frá því að umsóknarfrestur rennur út.
Um Héraðsdóm Reykjavíkur
Héraðsdómur Reykjavíkur er einn átta héraðsdómstóla landsins. Hann er með aðsetur við Lækjartorg í Reykjavík. Meðal verkefna dómstólsins er að leysa úr öllum þeim sakamálum og einkamálum sem til hans er beint. Úrlausnum hans verður skotið til áfrýjunardómstigs. Hjá dómstólnum starfa um 50 starfsmenn, sem eru héraðsdómarar, löglærðir aðstoðarmenn, dómritarar, skrifstofufulltrúar, dómverðir og annað starfsfólk. Nánari upplýsingar um starfsemi héraðsdómstólanna má finna á vef dómstólanna www.domstolar.is
