Samgöngustofa óskar eftir að ráða starfsmann í flugleiðsögu-, flugvalla- og flugverndardeild. Starfið felst í eftirlits- og stjórnsýsluverkefnum.
Helstu verkefni og ábyrgð
Verkefnin felast m.a. í undirbúningi og framkvæmd eftirlits með flugvöllum, þ.m.t. úttekta og skoðana. Einnig mat á áhrifum hindrana (t.d. vindmylla og annarra mannvirkja) á flug og aðkoma að innleiðingu krafna og þróun verklagsreglna stofnunarinnar. Við leitum að starfsmanni sem á auðvelt með að takast á við ný verkefni, sem er tilbúin(n) að vinna eftir verklagi í öguðu umhverfi og jafnframt að hafa frumkvæði hvað varðar stöðugar umbætur á starfi deildarinnar og framþróun verkefna.
Hæfniskröfur
Háskólamenntun og/eða önnur menntun, þekking, eða þjálfun sem nýtist í starfi, t.d. frá slökkviliðsstörfum.
Reynsla og/eða þekking á eftirliti, og gæða-, öryggis- og/eða verndarstjórnun er mikill kostur. Ef ekki reynsla, þá þekking.
Frumkvæði og hæfni til að vinna sjálfstætt og í hópi.
Skipulögð, nákvæm og öguð vinnubrögð. Jákvætt viðmót og hæfni til að vinna undir álagi.
Gott vald á íslensku og ensku í rituðu og töluðu máli, til úrvinnslu og framsetningu texta og upplýsinga.
Hæfni til að læra og tileinka sér nýja kunnáttu og beita henni.
Í boði er fjölbreytt og spennandi starf hjá metnaðarfullri stofnun sem starfar í alþjóðlegu umhverfi. Við bjóðum upp á góða starfsaðstöðu og frábæra vinnufélaga.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Öllum umsóknum skal fylgja ítarleg starfsferilsskrá og kynningarbréf. Í ráðningarferlinu verður óskað eftir að umsækjendur skili sakavottorði. Hafi umsækjandi verið fundinn sekur um refsiverða háttsemi getur það orðið til þess að viðkomandi telst ekki hæfur til að gegna starfi hjá stofnuninni. Viðkomandi þarf að standast öryggisvottun sbr. reglugerð um vernd trúnaðarupplýsinga, öryggisvottanir og öryggisviðurkenningar á sviði öryggis- og varnarmála nr. 959/2012. Öllum umsóknum verður svarað þegar ákvörðun um ráðningu hefur verið tekin. Umsóknir gilda í a.m.k. sex mánuði ef staða losnar á ný. Samgöngustofa áskilur sér rétt til að hafna öllum umsóknum. Samgöngustofa hvetur fólk óháð kyni, þjóðernisuppruna og fötlun til að sækja um.
