Samgöngustofa leitar að fagstjóra í fjármáladeild stofnunarinnar. Leitað er eftir öflugum einstaklingi sem hefur metnað til að sinna krefjandi og fjölbreyttum verkefnum. Nýr starfsmaður mun taka þátt í stefnumótun og innleiðingu nýrra verkefna.
Helstu verkefni og ábyrgð
Utanumhald með tekjubókhaldi (afstemmingar og eftirfylgni).
Verkuppgjör.
Vinna við gerð árs- og árshlutareiknings.
Greiningarvinna.
Önnur tilfallandi verkefni.
Hæfniskröfur
Háskólamenntun sem nýtist í starfi, t.a.m. viðskiptafræði. Gerð er krafa um BA eða BS gráðu.
Starfsreynsla af sambærilegu starfi (a.m.k 5 ára reynsla).
Þekking og reynsla af Navision fjárhagskerfi.
Lipurð í mannlegum samskiptum og metnaður til að ná árangri.
Frumkvæði og sjálfstæði í starfi og öguð vinnubrögð.
Í boði er spennandi starf hjá metnaðarfullri stofnun í alþjóðlegu umhverfi. Við bjóðum uppá góða starfsaðstöðu og frábæra vinnufélaga.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Öllum umsóknum skal fylgja ítarleg starfsferilsskrá og kynningarbréf. Í ráðningarferlinu verður óskað eftir að umsækjendur skili sakavottorði. Hafi umsækjandi verið fundinn sekur um refsiverða háttsemi getur það orðið til þess að viðkomandi telst ekki hæfur til að gegna starfi hjá stofnuninni. Öllum umsóknum verður svarað þegar ákvörðun um ráðningu hefur verið tekin. Umsóknir gilda í a.m.k. sex mánuði ef staða losnar á ný. Samgöngustofa áskilur sér rétt til að hafna öllum umsóknum. Samgöngustofa hvetur fólk óháð kyni, þjóðernisuppruna og fötlun til að sækja um.
