Laust er til umsóknar starf forseta Menntavísindasviðs Háskóla Íslands. Menntavísindasvið er eitt af fimm fræðasviðum háskólans og starfar forseti þess í umboði rektors. Forseti fræðasviðs er yfirmaður sviðsins, stýrir daglegri starfsemi og er akademískur leiðtogi þess og talsmaður innan háskólans og utan.

Á Menntavísindasviði starfa um 160 manns við kennslu og rannsóknir þar sem lögð er áhersla á fjölbreytta miðlun þekkingar, öflugar samræður við íslenskt samfélag og alþjóðlegt fræðasamfélag. Auk þess starfa 49 manns við stjórnsýslu og stoðþjónustu sviðsins.

• Fjármál og rekstur fræðasviðs, deilda og stofnana sem undir það heyra

• Stjórnun, mannauðsmál og útfærsla og framkvæmd heildarstefnu Háskóla Íslands á vettvangi fræðasviðs

• Yfirumsjón með stjórnsýslu og stoðþjónustu fræðasviðsins

• Tryggja gæði kennslu og uppbyggingu rannsókna og þjónustu

• Stuðla að og styðja við öfluga liðsheild og faglegt samstarf

• Byggja upp og efla tengsl við innlenda og erlenda samstarfsaðila

• Akademískt hæfi sem nemur a.m.k. dósentshæfi eða jafngildi þess að mati hæfisnefndar

• Reynsla af stjórnun, fjármálum og stefnumótun

• Reynsla af alþjóðlegu háskólaumhverfi

• Leiðtogahæfileikar

• Metnaðarfull og skýr framtíðarsýn

• Rík samskiptahæfni

• Góð íslensku- og enskukunnátta, í ræðu og riti

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Ráðið verður í starfið til fimm ára. Á grundvelli laga nr. 85/2008 um opinbera háskóla og reglur sem háskólaráð hefur sett getur rektor ákveðið að framlengja ráðningu forseta fræðasviðs til fimm ára í senn. Forseti fræðasviðs er ráðinn af rektor að fenginni umsögn sérstakrar ráðgefandi hæfisnefndar.

Eftirfarandi gögn skulu fylgja umsókn:

• Ferilskrá

• Afrit af prófskírteinum

• Greinargerð þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hver framtíðarsýn hans er varðandi starf forseta Menntavísindasviðs

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknaháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir