Vegagerðin auglýsir eftir öflugum einstaklingi til að taka við starfi forstöðumanns rekstrardeildar Vegagerðarinnar í Garðabæ. Á rekstrardeild vinna um 15 starfsmenn og er hlutverk deildarinnar að hafa umsjón með fasteignum, innkaupum, birgðahaldi og rekstri tækja og véla Vegagerðarinnar. Einnig hefur rekstrardeild umsjón og eftirlit með búnaði á vélaverkstæðum.
Helstu verkefni og ábyrgð
Forstöðumaður veitir rekstrardeild forystu og tryggir skilvirkan, ábyrgan og hagkvæman rekstur hennar. Forstöðumaður leiðir faglega starfsemi deildarinnar og tryggir að hún sé í samræmi við lög og reglur um opinber innkaup. Forstöðumaður er ábyrgur fyrir áætlanagerð rekstrardeildar og framkvæmd hennar.
Verkefni rekstrardeildar eru m.a.
Fasteignaumsjón, viðhald og nýbyggingar
Útboð og samningar um innkaup
Innkaup á tækjum, búnaði og vörum
Birgðahald og lager
Umsjón og eftirlit með rekstri véla og tækja
Minjavarsla
Menntunar- og hæfniskröfur:
Háskólamenntun sem nýtist í starfi, meistarapróf æskilegt
Reynsla af stjórnun og rekstri æskileg
Mjög góð hæfni til ákvarðanatöku, eftirfylgni og verkefnastýringar
Skipulagshæfni, frumkvæði og metnaður í starfi
Framúrskarandi hæfni í mannlegum samskiptum
Góð íslensku- og enskukunnátta í rituðu og töluðu máli
Vegagerðin er eftirsóknarverður vinnustaður, stærsta framkvæmdarstofnun landsins með gríðarlega fjölbreytta verkefnaflóru.
Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.
Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu. Umsóknir geta gilt í sex mánuði frá því að umsóknarfrestur rennur út.
Laun eru greidd samkvæmt kjarasamningi ríkisins og viðkomandi stéttarfélags og umsóknarfrestur er til og með 16. ágúst nk.
