Hjúkrunardeildarstjóri göngudeildar skurðlækninga

Hjúkrunardeildarstjóri göngudeildar skurðlækninga

Við leitum eftir kraftmiklum hjúkrunardeildarstjóra og leiðtoga til að leiða og efla áfram starfsemi göngudeildar skurðlækninga í Fossvogi og byggja upp sterka liðsheild. Hjúkrunardeildarstjóri þarf að búa yfir afburða hæfni í samskiptum og stuðla að teymisvinnu innan deildar og við aðra stjórnendur og samstarfsaðila. Deildarstjóri er yfirmaður hjúkrunar á deildinni og stjórnar daglegum rekstri. 

Deildin er göngudeild háls-, nef-, og eyrnalækninga, lýtalækninga, æðaskurðlækninga og heila- og taugaskurðlækninga. Þar er einnig starfræk innskriftamiðstöð skurðdeilda ásamt sáramiðstöð. 

Hjúkrunardeildarstjóri er leiðtogi og hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð. Næsti yfirmaður er framkvæmdastjóra skurðlækningaþjónustu og skurðstofu- og gjörgæsluþjónustu. Starfshlutfall er 100% og veitist starfið frá 1. febrúar 2023 eða eftir nánara samkomulagi.

Helstu verkefni og ábyrgð

• Fagleg ábyrgð á uppbyggingu, skipulagi og þróun starfseminnar, setur markmið um gæði og öryggi og tryggir eftirfylgni, í nánu samráði við aðra stjórnendur
• Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsmanna á deildinni í samráði við framkvæmdastjóra skurðlækningaþjónustu og skurðstofu- og gjörgæsluþjónustu og mannauðsstjóra
• Fjárhagsleg ábyrgð, þ.e. ábyrgð á rekstrarkostnaði deildarinnar í samráði við framkvæmdastjóra skurðlækningaþjónustu og skurðstofu- og gjörgæsluþjónustu og fjármálastjóra

Hæfniskröfur

• Íslenskt hjúkrunarleyfi
• Starfsreynsla sem hjúkrunarfræðingur
• Viðbótarmenntun á háskólastigi sem nýtist í starfi er æskileg
• Leiðtogahæfni og áhugi og vilji til að leiða breytingar og umbætur
• Þekking og reynsla af öryggis-, gæða- og umbótastarfi
• Færni í stjórnunarhlutverki, þ.e. fagleg ábyrgð, starfsmannaábyrgð og fjárhagsleg ábyrgð
• Jákvætt lífsviðhorf, lausnamiðuð nálgun og framúrskarandi leiðtoga- og samskiptahæfileikar
• Frumkvæði, drifkraftur og stefnumótandi hugsun

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Í umsóknarformið skal skrá inn upplýsingar um: 

• Fyrri störf, menntun og hæfni
• Félagsstörf og umsagnaraðila 

Nauðsynleg fylgiskjöl: 

• Vottað afrit af prófskírteinum og starfsleyfum
• Ferilskrá ásamt kynningarbréfi með rökstuðningi fyrir hæfni og sýn á starfið 

Allar umsóknir þurfa að fara í gegnum ráðningarkerfi ríkisins. Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%

Umsóknarfrestur er til og með 23.01.2023

Nánari upplýsingar veitir

Kári Hreinsson, framkvæmdastjóri
–
[email protected]
–
8253790
Anna Dagný Smith, mannauðsstjóri
–
[email protected]
–
8253675

Smelltu hér til að sækja um starfið