Kerfisstjóri á Upplýsingatæknisviði

Kerfisstjóri á Upplýsingatæknisviði

Sjúkratryggingar leita að nýjum liðsfélaga á Upplýsingatæknisviði. Í boði er fjölbreytt starf í góðu vinnuumhverfi. Upplýsingatæknisvið sér um rekstur tölvukerfa Sjúkratrygginga. Framundan eru skemmtileg verkefni við áframhaldandi tækniþróun innan stofnunarinnar.

Sjúkratryggingar er lykilstofnun í íslensku heilbrigðiskerfi. Við tryggjum réttindi sjúkratryggðra og aðgengi að góðri og hagkvæmri heilbrigðisþjónustu með það markmið að leiðarljósi að vernda heilbrigði og jafnan aðgang að heilbrigðisþjónustu óháð efnahag. Sjúkratryggingar vinna í verkefnamiðuðu vinnuumhverfi þar sem rík áhersla er lögð á góðan aðbúnað starfsmanna. Boðið er upp á sveigjanlegan vinnutíma, fjarvinnu allt að 2 daga í viku auk þess sem starfsfólk nýtur hlunninda á borð við íþróttastyrk og samgöngustyrk vegna vistvænna samgangna. Stofnunin hefur undanfarin ár tekið þátt í verkefninu um styttingu vinnuvikunnar og er vinnuvikan 36 stundir. 

Helstu verkefni og ábyrgð

• Rekstur miðlara
• Rekstur miðlarahugbúnaðar (gagnagrunnar, vefþjónar, eftirlitshugbúnaður)
• Uppfærslur miðlara
• Uppfærslur á hugbúnaði á miðlurum
• Vöktun viðburða í öryggiskerfi
• Rýni eldveggjareglna
• Aðgerðir vegna viðburða í SIEM kerfi
• Úrlausn ábendinga frá SOC
• Samstarf við upplýsingaöryggisstjóra um framþróun öryggismála
• Skjölun uppsetningar kerfa og innviða
• Vinna við innleiðingu ferla tengt uppbyggingu stjórnkerfis upplýsingaöryggis
• Önnur verkefni sem tengjast framþróun upplýsingakerfa

Hæfniskröfur

• Reynsla af rekstri tölvukerfa að minnsta kosti 3-5 ár
• Þekking og reynsla af rekstri á Windows Server stýrikerfum
• Þekking og reynsla af rekstri á Active Directory
• Þekking og reynsla af rekstri á Red Hat stýrikerfum
• Þekking og reynsla af rekstri á MS SQL gagnagrunnum kostur
• Þekking og reynsla af rekstri á Oracle gagnagrunnum kostur
• Þekking og reynsla af rekstri á vefþjóna nginx, Apache og/eða IIS
• Reynsla af notkun vaktkerfa eins og Site24/7 eða sambærilegt
• Reynsla af notkun beiðnakerfa eins og Jira Service Management
• Þekking og reynsla af uppbyggingu netkerfa, eldveggja og útfærslu aðgangslista kostur
• Þekking og reynsla af rekstri skýjahýsinga Azure og/eða AWS
• Góð færni í íslensku og ensku bæði í ræðu og riti
• Frumkvæði, vandvirkni og hæfni til að starfa sjálfstætt og í teymi
• Góð samskiptahæfni, þjónustulund og jákvætt viðmót

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn þarf að fylgja ítarleg starfsferilskrá og sérstakt kynningarbréf þar sem gerð er grein fyrir hæfni umsækjanda sem nýtist í starfi. Æskilegt er að viðkomandi geti hafið störf sem fyrst. Áhugasamir einstaklingar, óháð kyni, eru hvattir til að sækja um starfið. 

Sótt er um starfið á Starfatorgi ríkisins á www.starfatorg.is. Öllum umsóknum verður svarað þegar niðurstaða um ráðningu liggur fyrir. Ráðning tekur mið af jafnréttisáætlun stofnunarinnar. Umsókn gildir í 6 mánuði frá lokum umsóknarfrests. Upplýsingar um stofnunina má finna á heimasíðu hennar sjukra.is. 

Starfshlutfall er 100%

Umsóknarfrestur er til og með 24.04.2023

Nánari upplýsingar veitir

Kristján Þorvaldsson, sviðsstjóri
–
[email protected]
–
515 0150

Smelltu hér til að sækja um starfið