Leikskólasérkennari/þroskaþjálfi

Viltu vera hluti af skemmtilegum hópi starfsfólks í Furuskógi?

Leikskólasérkennari/þroskaþjálfi óskast til starfa í leikskólann Furuskóg. Leikskólinn er starfræktur í tveimur húsum í Fossvoginum og liggur vel við samgöngum.

Einkunnarorð skólans eru Gleði, Vinsemd og Virðing, og er áhersla lögð á lýðræði, sköpun, útinám og lífsleikni í starfi með börnunum. Skólinn hlaut Regnbogavottun í apríl 2022.

Fólk af öllum kynjum er hvatt til að sækja um. Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Til greina kemur að ráða einstakling með aðra menntun/reynslu sem nýtist í starfi.

Helstu verkefni og ábyrgð

Leikskólinn Furuskógur óskar eftir að ráða sérkennara í 100% starf, frá og með ágúst. Um er að ræða starf í snemmtækri íhlutun barna. Starfsmaður mun fá stundaskrá sem hann fylgir og er hann því ekki fastur á einni deild né með einu barni, heldur fer á milli deilda til að sinna þeim börnum sem þurfa á því að halda. Stundaskráin mun til að mynda fela í sér málörvun, félagsfærniþjálfun, sjálfseflingu, leikþjálfun og matarþjálfun. Um er að ræða fjölbreytt starf með fjölbreyttum verkefnum.

Í Furuskógi vinna tveir sérkennslustjórar og er unnið í nánu samstarfi við þá. Stundaskráin er unnin af þeim í samstarfi við deildarstjóra.

Hæfniskröfur

• Leikskólasérkennaramenntun, þroskaþjálfamenntun eða önnur sambærileg menntun
• Reynsla af sérkennslu æskileg
• Lipurð og sveigjanleiki í samskiptum
• Stundvísi og áreiðanleiki
• Góð tölvukunnátta
• Frumkvæði og sjálfstæð og skipulögð vinnubrögð
• Íslenska B2 skv. samevrópska tungumálarammanum er skilyrði

Fríðindi í starfi

• Forgangur í leikskóla fyrir börn starfsfólks og afsláttur af leikskólagjöldum
• Stytting vinnuvikunnar – 36 stunda vinnuvika miðað við fullt starf
• Frítt fæði á vinnutíma, grænmetis- og veganfæði í boði
• Samgöngustyrkur
• Menningarkort sem veitir aðgang að söfnum borgarinnar og ókeypis bókasafnskort
• Heilsuræktarstyrkur og frítt í sundlaugar Reykjavíkur

Nánari upplýsingar

Veitir Ingibjörg Brynjarsdóttir leikskólastjóri í síma 618 8933 eða tölvupósti furuskogur@reykjavik.is

Starfið er laust nú þegar eða eftir samkomulagi.

Laun eru samkvæmt kjarasamningi Reykjavíkurborgar við viðkomandi stéttarfélag.

Leikskólinn Furuskógur

við Áland

við Efstaland 28

108 Reykjavík

Heimasíða leikskólans

Starfamerkingar: Gefandi starf, Leikskóli, Starf í boði