Lektor í iðnaðarverkfræði

Lektor í iðnaðarverkfræði

Laust er til umsóknar starf lektors í iðnaðarverkfræði við Iðnaðarverkfræði, vélaverkfræði og tölvunarfræðideild á Verkfræði- og náttúruvísindasviði, Háskóla Íslands.

Helstu verkefni og ábyrgð

Starfið snýr að rannsóknum og kennslu í iðnaðarverkfræði. Námsbraut í iðnaðarverkfræði er nýbúin að endurskipleggja grunnnám í iðnaðarverkfræði með tilliti til þarfa atvinnulífsins og þar á meðal áskoranir er varða fjórðu iðnbyltinguna.

Lektorinn mun auk þess taka virkan þátt í leiðbeiningu lokaverkefna framhaldsnema ásamt því að vinna að þróun náms og kennslu á fagsviðinu og kynna námið til framtíðar nemenda.

Fyrirlestrar í grunnnámi fara almennt fram á íslensku og er ætlast til þess að viðkomandi geti kennt á íslensku innan fimm ára frá upphafi starfs. Háskóli Íslands aðstoðar erlent starfsfólk við að læra og ná tökum á íslensku máli. 

Hæfniskröfur

• Doktorspróf í iðnaðarverkfræði eða skyldri grein
• Haldgóð reynsla af kennslu á grunn- og framhaldsstigi í háskóla, þ. á m. af skipulagi og umsjón námskeiða
• Rannsóknavirkni á fræðasviðinu. Reynsla af þátttöku í erlendum rannsóknaverkefnum er kostur
• Góð samstarfshæfni og lipurð í mannlegum samskiptum
• Góð enskukunnátta er skilyrði en geta til að geta kennt á íslensku er kostur
• Viðeigandi starfsreynsla úr atvinnulífinu er kostur

Við ráðningu verður miðað við að sá er starfið hlýtur falli sem best að aðstæðum og þörfum Iðnaðarverkfræði, vélaverkfræði og tölvunarfræðideildar og áherslum í kennslu og kennsluþróun.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Áætlað er að starfið hefjist 1. desember 2023 eða samkvæmt nánara samkomulagi.

Umsækjendur skulu láta eftirfarandi gögn fylgja umsókn sinni:

1. Kynningarbréf þar sem m.a. kemur fram hvernig umsækjandi uppfyllir hæfniskröfur
2. Prófskírteini eða eftir atvikum vottorð um námsferil
3. Akademíska ferilskrá (Curriculum Vitae)
4. Ritaskrá
5. Skýrslu um vísindastörf og önnur störf sem þeir hafa unnið
6. Greinargerð um rannsóknar- og kennsluáform ef til ráðningar kemur
7. Upplýsingar um þrjá mögulega umsagnaraðila sem hafa má samband við

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til Vísinda- og nýsköpunarsviðs Háskóla Íslands, Sæmundargötu 2, 102 Reykjavík.

Ráðið verður í starfið til fimm ára fyrst í stað, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Háskóli Íslands er gróskumikið þekkingarsamfélag og fjölbreyttur og lifandi vinnustaður. Akademískt frelsi, fagmennska og jafnrétti eru gildi háskólans og er mikið lagt upp úr sveigjanleika og þátttöku starfsfólks í uppbyggingu náms og rannsókna. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt, þar sem fjórðungur bæði starfsfólks og framhaldsnema við sviðið eru erlendir, og það hlutfall er sífellt að aukast. 

Á sviðinu eru um 2000 nemendur en við Iðnaðarverkfræði, vélaverkfræði og tölvunarfræðideild stunda um 800 stúdentar nám í efnaverkfræði, iðnaðarverkfræði, vélaverkfræði og tölvunarfræði. Þar af eru framhaldsnemar í meistara- og doktorsnámi um 140 talsins. Akademískt starfsfólk við deildina eru um 30 kennarar.

Starfshlutfall er 100%

Umsóknarfrestur er til og með 02.05.2023

Nánari upplýsingar veitir

Ingibjörg Óðinsdóttir, Mannauðsstjóri
–
[email protected]
–
5254644

Smelltu hér til að sækja um starfið