Laust er til umsóknar fullt starf lektors í kennslufræði læsis með áherslu á lestrarkennslu við Deild kennslu- og menntunarfræði á Menntavísindasviði Háskóla Íslands.

Meðal viðfangsefna lektorsins verða kennsla og rannsóknir á einhverjum af eftirtöldum sviðum kennslufræði: Læsis- og lestrarþróun, læsis- og lestrarkennsla á yngsta stigi, og að vinna með lestur í margbreytilegum nemendahópi. Lögð er áhersla á þverfaglega samvinnu innan deildar, sviðs og háskólans í heild.

• Kennsla á grunn- og meistarastigi

• Leiðsögn með lokaverkefnum nemenda

• Rannsóknir á einhverjum af ofan nefndum sviðum

• Stjórnun og þátttaka í mótun kennslu og rannsókna

• Samstarf við skóla og aðrar menntastofnanir

• Doktorspróf á sviði kennslu- og menntunarfræði

• Leyfisbréf sem kennari

• Reynsla af starfi í leik- og/eða grunnskóla

• Reynsla af rannsóknum á ofan nefndum sviðum, sem kemur m.a. í birtingum á ritrýndum vettvangi

• Reynsla af kennslu á háskólastigi er kostur

• Góð færni í íslensku í ræðu og riti

• Lipurð í mannlegum samskiptum

Við ráðningu verður miðað við, að sá er starfið hlýtur falli sem best að aðstæðum og þörfum Deildar kennslu- og menntunarfræði og Menntavísindasviðs.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Gert er ráð fyrir að viðkomandi hefji störf 1. júlí 2026 eða samkvæmt nánara samkomulagi, þó ekki fyrr en lokið er störfum þeirra nefnda sem um ráðninguna munu fjalla.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjændur skulu láta eftirfarandi gögn fylgja umsókn

• Kynningarbréf þar sem m.a. kemur fram hvernig umsækjandi uppfyllir hæfniskröfur

• Prófskírteini eða eftir atvikum vottorð um námsferil

• Akademíska ferilskrá (Curriculum Vitae)

• Ritaskrá

• Skýrslu um vísindastörf og önnur störf sem þeir hafa unnið

• Greinargerð um rannsóknar- og kennsluáform ef til ráðningar kemur

• Upplýsingar um mögulega umsagnaraðila sem hafa má samband við

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins.

Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt á 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir