Lektor í þroskaþjálfafræði á Menntavísindasviði Háskóli Íslands

Lektor í þroskaþjálfafræði á Menntavísindasviði Háskóli Íslands

Laust er til umsóknar starf lektors í þroskaþjálfafræði við Deild menntunar og margbreytileika Menntavísindasviðs Háskóla Íslands. Meginviðfangsefni starfsins eru kennsla, bæði í grunnnámi og framhaldsnámi, ásamt rannsóknum í þroskaþjálfafræði og á starfsvettvangi þroskaþjálfa. Lögð er áhersla á að lektorinn hafi þekkingu á einhverju eftirtalinna sviða: Starf þroskaþjálfa á vettvangi, rannsóknir með fötluðu fólki, málefni barna og fjölskyldna, inngildandi samfélag, og velferðarkerfi. Meðal viðfangsefna í kennslu geta verið vinnulag í háskólanámi, aðferðafræði, starf þroskaþjálfa, fjölbreyttar tjáskiptaleiðir, rannsóknir með fötluðu fólki, hönnun og framkvæmd heildrænna þjónustuáætlana, og vettvangsnám verðandi þroskaþjálfa. Réttindanám þroskaþjálfa er skipulagt sem þriggja ára grunnnám og eins árs meistaranám. 

Helstu verkefni og ábyrgð

• Kennsla á grunn- og meistarastigi í þroskaþjálfafræði, meðal annars í inngangsnámskeiðum
• Leiðsögn með grunn- og framhaldsnemum
• Rannsóknir á fræðasviðinu
• Samstarf við annað fræðafólk innan námsbrautarinnar, Deildar menntunar og margbreytileika og Menntavísindasviðs
• Samstarf við starfsvettvang þroskaþjálfa, bæði innanlands og á alþjóðlegum vettvangi

Hæfniskröfur

• Doktorspróf sem nýtist í starfi
• Að lágmarki ein prófgráðu í þroskaþjálfafræði (grunn-, meistara- eða doktorsgráðu)
• Reynsla af vettvangi og málefnum fatlaðs fólks er æskileg
• Kunnátta í íslensku, bæði í ræðu og riti
• Lipurð í mannlegum samskiptum 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Horft verður til þess að ráðningin falli sem best að aðstæðum og þörfum sviðsins í heild. 

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta eftirfarandi gögn fylgja umsókn sinni.

1. Kynningarbréf þar sem m.a. kemur fram hvernig umsækjandi uppfyllir hæfniskröfur
2. Prófskírteini eða eftir atvikum vottorð um námsferil
3. Akademíska ferilskrá (Curriculum Vitae)
4. Ritaskrá
5. Skýrslu um vísindastörf og önnur störf sem þeir hafa unnið
6. Greinargerð um rannsóknar- og kennsluáform ef til ráðningar kemur
7. Upplýsingar um mögulega umsagnaraðila sem hafa má samband við

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningar í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands. 
 

Innan Háskólans eru fimm fræðasvið og deildir skólans eru 25 talsins. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Jafnframt er Háskóli Íslands öflugur rannsóknaháskóli á alþjóðlega vísu og hafa vísindamenn Háskólans hlotið fjölmargar alþjóðlegar viðurkenningar fyrir vísindastörf sín.   

Á Menntavísindasviði fer fram rannsóknartengt starfsnám fyrir kennara á leik-, grunn- og framhaldsskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga, og þroskaþjálfa. Þá skipuleggur sviðið jafnframt framhaldsnám í háskólakennslufræði og nám fyrir stjórnendur menntastofnana. Lögð er áhersla á rannsóknir og þróunarstarf sem unnið er í samstarfi við starfsvettvang.  

Starfshlutfall er 100%

Umsóknarfrestur er til og með 25.04.2023

Nánari upplýsingar veitir

Ásta Jóhannsdóttir, námsbrautarformaður
–
[email protected]
–
5255381
Lára Rún Sigurvinsdóttir, mannauðsstjóri
–
[email protected]
–
5255905

Smelltu hér til að sækja um starfið