Innskrá
Búa til aðgang
Ljósmæður
Heilbrigðisstofnun Vestfjarða óskar eftir að ráða ljósmæður til starfa á Ísafirði. Um er að ræða 60% – 80% starf í dagvinnu ásamt bakvöktum. Hér er frábært tækifæri til að öðlast góða reynslu í skemmtilegu umhverfi sem er sannkölluð útivistarparadís og mjög fjölskylduvænt.
Boðið er upp á góða aðlögun í upphafi starfs og aðstoð við öflun húsnæðis. Æskilegt er að viðkomandi geti hafið störf sem fyrst eða eigi síðar en 1. mars 2023.
Helstu verkefni og ábyrgð
Störf ljósmóður felast meðal annars í fæðingarhjálp, umönnun sængurkvenna og nýbura á sjúkrahúsi og í heimahúsum. Tvær ljósmæður skipta á milli sín daglegum verkum og bakvöktum utan dagvinnu.
Hæfniskröfur
- Íslenskt hjúkrunar- og ljósmóðurleyfi
- Frumkvæði og sjálfstæði í starfi
- Jákvæðni og góð hæfni í mannlegum samskiptum
- Starfsreynsla æskileg
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.
Í boði er að stofnunin aðstoði við öflun íbúðarhúsnæðis. Með umsókn skal fylgja ítarleg náms- og starfsferilskrá ásamt fylgibréfi þar sem gert er grein fyrir hæfni og áhuga á starfinu ásamt afriti af prófskírteinum og starfsleyfi. Leggja skal fram staðfestar upplýsingar um menntun, fyrri störf og reynslu. Viðtöl verða tekin við umsækjendur og byggist ákvörðun um ráðningu í starfið á þeim ásamt innsendum gögnum og umsögnum meðmælenda.
Tekið er mið af jafnréttisstefnu stofnunarinnar við ráðningu.
Ísafjarðarbær- og Vestfirðir í heild- er paradís útivistarfólks og skiptir þá litlu í hvaða byggðarkjarna eða sveit fólk kemur sér fyrir. Óvíða ef nokkurs staðar er jafn stutt að fara úr iðandi mannlífi yfir í ósnortna náttúru og möguleikar til útivistar eru óteljandi, hvort sem er að sumri eða vetri.
Tækifærin til útivistar eru allt um kring, enginn tími fer í ferðalög til og frá vinnu. Börnin eru eins og blóm í eggi í leikskóla, grunnskóla, tónlistarskóla, íþróttastarfi, menntaskóla og jafnvel lýðskóla eða háskóla.
Fullt af spennandi atvinnutækifærum fyrir maka og margvísleg starfsemi sem krefst háskólamenntunar á svæðinu, sjá til dæmis laus störf á vef Ísafjarðarbæjar.
Öllum umsóknum verður svarað þegar tekin hefur verið ákvörðun um ráðningu.
Starfshlutfall er 60-80%
Umsóknarfrestur er til og með 19.12.2022
Nánari upplýsingar veitir
Erla Rún Sigurjónsdóttir, Deildarstjóri
–
[email protected]
–
696 9719
Hildur Elísabet Pétursdóttir, Framkvæmdastjóri hjúkrunar
–
[email protected]
–
695 2222
