Lyfjafræðingur – Sjúkrahúsið á Akureyri

Lyfjafræðingur – Sjúkrahúsið á Akureyri

Laus er til umsóknar 80% staða lyfjafræðings í sjúkrahúsapóteki Sjúkrahússins á Akureyri. Um framtíðarstarf er að ræða í fjölbreyttu og krefjandi umhverfi. Vinnutími er samkvæmt samkomulagi. Staðan veitist frá 1. febrúar 2023 eða samkvæmt nánara samkomulagi. Næsti yfirmaður er Jóna Valdís Ólafsdóttir, forstöðulyfjafræðingur sjúkrahúsapóteks.

Helstu verkefni og ábyrgð

• Almenn störf lyfjafræðings við pöntun, móttöku og dreifingu lyfja á deildir sjúkrahússins. 
• Þátttaka í uppbyggingu gæðakerfis. 
• Leiðbeinandi fyrir aðrar heilbrigðisstéttir um lyfja- og gæðatengd málefni. 
• Blöndun með smitgát, lyf fyrir göngudeildarsjúklinga.
• Eftirlit með lyfjaumsýslu á deildum sjúkrahússins. 
• Þátttaka í frekari uppbyggingu og þróun þjónustu sjúkrahúsapóteks. Önnur tilfallandi verkefni.

Hæfniskröfur

• Lyfjafræðingur með gilt starfsleyfi er skilyrði.
• Þekking og reynsla af störfum úr sjúkrahúsapóteki æskileg. 
• Reynsla af vinnu með gæðavísa, gæðakerfi og gæðaeftirlit æskileg. 
• Þekking á birgðakerfi Oracle æskileg.
• Góð íslensku- og tölvukunnátta. 
• Nákvæm, skipulögð, sjálfstæð og öguð vinnubrögð.
• Góð samstarfs- og samskiptahæfni, öflugur liðsmaður og jákvætt viðmót. 
• Frumkvæði, þjónustulund og áhugi á að þroskast í starfi.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Lyfjafræðingafélag Íslands hafa gert.

Umsóknum skal skilað rafrænt á vef sjúkrahússins www.sak.is. Umsóknum skulu fylgja ítarlegar upplýsingar um nám og starfsferil ásamt prófskírteinum og starfsleyfi. Við ráðningar í störf er tekið mið af jafnréttisstefnu sjúkrahússins, sem er reyklaus vinnustaður. Öllum umsóknum verður svarað þegar ákvörðun um ráðningu hefur verið tekin. Sjúkrahúsið á Akureyri áskilur sér rétt til að hafna öllum umsóknum.

Sjúkrahúsið veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi. Áhersla er á virka þátttöku starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Gildi Sjúkrahússins á Akureyri eru: ÖRYGGI SAMVINNA FRAMSÆKNI. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum.

Starfshlutfall er 80%

Umsóknarfrestur er til og með 02.01.2023

Nánari upplýsingar veitir

Jóna Valdís Ólafsdóttir, forstöðulyfjafræðingur
–
[email protected]
–
4630100
Erla Björnsdóttir, mannauðsstjóri
–
[email protected]
–
4630100

Smelltu hér til að sækja um starfið