Laust er til umsóknar fullt starf yfirlæknis innan bráða-, lyflækninga- og endurhæfingarþjónustu Landspítala og starf prófessors á fræðasviði húð- og kynsjúkdómalækninga við Læknadeild Háskóla Íslands. Um er að ræða samhliða störf samkvæmt samstarfssamningi stofnanna og verður einn og sami umsækjandinn ráðinn í bæði störfin. Næsti yfirmaður prófessorsins innan Læknadeildar er deildarforseti, en yfirmaður á Landspítala er forstöðulæknir bráða-, lyflækninga- og endurhæfingaþjónustu.

Sérgreinin húð- og kynsjúkdómalækningar stendur á krossgötum tækniframfara og breytinga í birtingamynd húðsjúkdóma. Nauðsynlegt er að þróa sérgreinina áfram í takt við þarfir samfélagsins og halda áfram á vegferð uppbyggingar og tæknivæðingar þjónustunnar. Mikilvægt er að efla læknisfræðilega ráðgjöf húðlækna innan Landspítala og framhaldsnám í húðlækningum og stuðla þannig að kennslu og vísindum innan fræðigreinarinnar. Því er leitað eftir leiðtoga í fræðigreininni sem stuðlar að nýsköpun, brennur fyrir umbótum, gæðaþróun, vísindastarfi og uppbyggingu þjónustu við sjúklinga.

Dómnefnd sem skipuð er á grundvelli reglna nr. 569/2009 fyrir Háskóla Íslands mun meta hvort umsækjendur uppfylli lágmarksskilyrði til þess gegna stöðu hjá Læknadeild HÍ.

Sameiginleg valnefnd Háskóla Íslands og Landspítala, sem starfar á grundvelli reglna nr. 385/2003, mun gera tillögu um það hvaða umsækjandi verður talinn hæfastur til að gegna þessum samhliða störfum, á grundvelli heildarmats á þeim sjónarmiðum sem liggja til grundvallar ráðningu í hvort starf fyrir sig.

• Kennsla á fræðasviðinu, þ.m.t. klínísk kennsla á Landspítala.

• Skipulag námskeiðs læknanema í húð- og kynsjúkdómalækningum.

• Gegnir starfi forstöðumanns fræðasviðs húð- og kynsjúkdómalæknisfræði innan Læknadeildar samkvæmt skipan deildarráðs.

• Uppbygging og þróun húð- og kynsjúkdómalækninga við Landspítala með áherslu á kennslu, rannsóknir og þróun klínískrar þjónustu í samráði við aðra yfirlækna, framkvæmdastjóra sviðsins og framkvæmdastjóra lækninga.

• Þverfagleg samvinna og uppbygging vísinda- og rannsóknarstarfs í samstarfi við önnur fræðasvið en læknisfræði.

• Stuðlar að því að greining og meðferð sjúkdóma taki mið af gagnreyndri læknisfræði og hagkvæmni í rekstri.

• Ábyrgð á mannauðmálum og daglegri stjórnun starfsfólks í samráði við framkvæmdastjóra bráða-, lyflækninga- og endurhæfingarþjónustu.

• Úrbætur í öryggismenningu og gæðastarfi á Landspítala.

• Klínísk störf á sviði húðlækninga.

• Stjórnunarstörf, s.s. nefndastörf, seta í ráðum og leiðtogahlutverk í rannsóknarhópum.

• Doktorspróf eða próf sem jafnað verður til doktorsprófs, eða jafngild hæfni að mati dómnefndar og stöðunefndar lækna.

• Íslenskt sérfræðileyfi í húð- og kynsjúkdómalækningum.

• Rannsóknavirkni á fræðasviðinu, sjálfstæði og frumkvæði í rannsóknum, sem og reynsla af öflun rannsóknastyrkja.

• Reynsla af háskólakennslu, fræðilegri og klínískri og leiðbeiningu til æðri háskólagráðu.

• Reynsla af stjórnun.

• Jákvætt viðmót og góð hæfni í mannlegum samskiptum.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Sú/sá sem ráðin/n verður er sameiginlegur starfsmaður Háskóla Íslands og Landspítala í fullu starfi en hefur ráðningarsamning við hvora stofnun fyrir sig þar sem nánar er fjallað um starfsskyldur og verkefni í samræmi við samstarfssamning Háskóla Íslands og Landspítala frá 13. desember 2018. Ráðið verður í starf prófessors til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009, en ráðning í starf yfirlæknis er samkvæmt 5. mgr. 9. gr. laga nr. 40/2007 og stefnu Landspítala í ráðningum stjórnenda. Í báðum ráðningarsamningum er tekið fram að forsenda ráðningar í hvort starf um sig sé ráðning í samhliða starf á hinni stofnuninni.

Laun í starfi prófessors eru samkvæmt kjarasamningi fjármálaráðherra f.h. ríkissjóðs við Félag prófessora en laun í starfi yfirlæknis eru samkvæmt kjarasamningi fjármálaráðherra f.h. ríkissjóðs og Læknafélags Íslands.

Við ráðningu verður miðað við, að sá er þessi samhliða störf hlýtur falli sem best að aðstæðum og þörfum Læknadeildar og bráða-, lyflækninga- og endurhæfingarþjónustu Landspítala.

Um meðferð umsókna, mat á hæfi umsækjenda og ráðningu í störfin er farið eftir ákvæðum laga nr. 85/2008 um opinbera háskóla, reglna um Háskóla Íslands nr. 569/2009 og ákvæðum laga um heilbrigðisþjónustu nr. 40/2007, eftir því sem við á í hvoru starfi fyrir sig.

Gert er ráð fyrir að ofangreind samhliða störf verði veitt frá 1. júlí 2025, enda verði þá lokið störfum þeirra nefnda sem um málið fjalla.

Umsækjendur skulu láta eftirfarandi gögn fylgja umsókn sinni.

Í umsókn er óskað eftir að umsækjandi fjalli um framtíðasýn í málaflokknum sem er í samræmi við markmið stofnanna tveggja. Þá skal umsækjandi láta koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Reglur um ráðningar og málefni starfsmanna sem hafa starfsskyldur hjá Háskóla Íslands og Landspítala eru aðgengilegar á vefnum, sjá hér.

Við ráðningu í störf í Háskóla Íslands er tekið mið af jafnréttisáætlun skólans, sjá hér, og við ráðningu í störf á Landspítala er tekið mið af jafnréttisáætlun spítalans, sjá hér.

Vakin er athygli á málstefnu Háskóla Íslands, sjá hér.

Nánari upplýsingar um starfið veita:

• Þórarinn Guðjónsson, forseti Læknadeildar Háskóla Íslands (tgudjons@hi.is / 525 4827)

• Rafn Benediktsson, forstöðulæknir á Landspítala (rafnbe@landspitali.is / 543 1000)

• Már Kristjánsson, framkvæmdastjóri á Landspíatala (markrist@landspitali.is / 543 1000)

Landspítali og Háskóli Íslands eru stærstu vinnustaðir landsins sem í sameiningu gegna því lykilhlutverki að mennta heilbrigðisstarfsfólk og byggja upp framúrskarandi heilbrigðisþjónusta á grunni vísinda, fagmennsku og umhyggju.