Samskiptastjóri

Samskiptastjóri

Laust er til umsóknar starf samskiptastjóra hjá Háskólanum á Akureyri.

Háskólinn á Akureyri óskar eftir því að ráða öflugan stjórnanda til að stýra  samskipta- og markaðsteymi skólans sem heldur m.a. utan um almannatengsl, markaðsmál, ytri og innri samskipti, upplýsingamiðlun, samfélagsmiðla, vefmál og viðburðastjórnun fyrir Háskólann á Akureyri í heild sinni. Starfið er fjölbreytt og lifandi og felur m.a. í sér áætlanagerð á málefnasviðinu, þ.m.t. samskiptaáætlun, markaðsáætlun og fjárhagsáætlun sviðsins, ábyrgð á kynningu og markaðssetningu á námi Háskólans á Akureyri, vísindamiðlun, viðburðastjórnun, textagerð og fréttaskrif, samskipti við fjölmiðla og aðra hagaðila, ábyrgð á innri og ytri vef háskólans og ársskýrslu.

Helstu verkefni og ábyrgð

Samskiptastjóri hefur frumkvæði að því að koma háskólanum á framfæri og ýta undir jákvæða ímynd hans. Leitað er að öflugum og hugmyndaríkum stjórnanda, með sérþekkingu á sviði samskipta og almanntaengsla, þekkingu á markaðsmálum og reynslu af verkefna- og viðburðastjórnun.

Starfið heyrir undir rektorsskrifstofu og er skrifstofustjóri rektorsskrifstofu næsti yfirmaður. Ráðið verður í starfið frá 1. júní nk., eða samkvæmt nánara samkomulagi. Starfsstöðin er á háskólasvæðinu á Akureyri og er um fullt starf að ræða.

Verkefni eru m.a.

• Gerð markaðs-, kynningar- og samskiptaáætlana
• Umsjón með auglýsingum og kynningarefni háskólans í samstarfi við deildir og fræðasvið
• Skipulagning markaðsherferða og umsjón með birtingaráætlun og auglýsingaherferðum
• Samskipti og miðlun upplýsinga til almennings, fjölmiðla, starfsfólks, stúdenta o.fl.
• Vísindamiðlun
• Yfirumsjón með viðburðastjórnun í samstarfi við viðburðarstjóra
• Stjórnun, fjármál, áætlanagerð og mannauðsmál einingarinnar
• Önnur tilfallandi verkefni

Hæfniskröfur

• Háskólapróf á framhaldsstigi sem nýtist í starfi er skilyrði. Menntun á sviði fjölmiðlafræði, samskipta, almannatengsla og/eða á sviði markaðsmála er kostur
• Reynsla af störfum við fjölmiðla sem og reynsla af samskiptum við fjölmiðla er æskileg.
• Reynsla af almannatengslum er nauðsynleg
• Þekking á stjórnun, verkefnastjórnun og umbótastarfi er kostur
• Þekking á markaðsmálum er nauðsynleg
• Þekking og skilningur á samfélagsmiðlum og notkun þeirra til markaðssetningar er kostur
• Þekking og skilningur á starfsemi háskóla er kostur
• Geta miðlað upplýsingum í ræðu og riti, reynsla af textaskrifum og framsetningu texta
• Framúrskarandi íslensku- og enskukunnátta
• Góð almenn tækni- og tölvufærni
• Framúrskarandi skipulagshæfni og geta til að vinna í teymi og vinna sjálfstætt
• Frumkvæði og drifkraftur 
• Jákvæðni og framúrskarandi hæfni í mannlegum samskiptum

Umsókn skal fylgja:

• Ítarlegt yfirlit yfir náms- og starfsferil
• Afrit af viðeigandi prófskírteinum
• Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.
• Tilnefna skal tvo meðmælendur og er æskilegt að annar þeirra sé næsti yfirmaður í núverandi eða fyrra starfi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur, sbr. 2. gr. reglna nr. 464/1996. Háskólinn á Akureyri áskilur sér rétt til að hafna öllum umsóknum. Háskólinn á Akureyri áskilur sér rétt til að hafna öllum umsóknum. 

Háskólinn á Akureyri stuðlar að jafnrétti kynjanna og hvetur öll kyn til að sækja um laus störf.

Við ráðningu í störf við Háskólann á Akureyri er tekið mið af jafnréttisáætlun háskólans og tekið er tillit til þarfar einingarinnar við ráðningu.

Starfshlutfall er 100%

Umsóknarfrestur er til og með 02.05.2023

Nánari upplýsingar veitir

Martha Lilja Olsen
–
[email protected]
–
8957157

Smelltu hér til að sækja um starfið