Náttúruhamfaratrygging Íslands óskar eftir að ráða reynslumikinn, talnaglöggan einstakling með yfirgripsmikla þekkingu á fjármálamörkuðum sem hefur annað hvort unnið við miðlun verðbréfa eða haft eftirlit með slíkum viðskiptum. Samhliða þeim verkefnum er gert ráð fyrir að starfsmaðurinn sinni ýmsum verkefnum sem honum eru falin á vátryggingasviði, s.s. umsýslu tjónamála, eftirliti með innheimtu iðgjalda, afstemmingu og utanumhaldi erlendra iðgjalda og öðrum þeim verkefnum sem falla til á sviðinu.
Helstu verkefni og ábyrgð
Eftirlit með framkvæmd eignastýringar og fylgni við fjárfestingarstefnu
Skýrslugerð og kynningar á sviði fjárfestinga til stjórnar og eftirlitsaðila
Samskipti við eignastýringarfyrirtæki
Bréfaskrif og rýni útsendra gagna sem falla undir starfssvið vátryggingasviðs NTÍ
Hæfniskröfur
Marktæk reynsla á sviði eignastýringar og fjárfestinga
Menntun og reynsla á sviði fjármála, hagfræði eða í skyldum greinum
Þekking og reynsla á sviði áhættustýringar
Þekking og reynsla á sviði skýrslugerðar og kynninga á íslensku og ensku
Framúrskarandi samskiptafærni, þjónustulund og jákvætt viðmót
Frumkvæði, sjálfstæð og nákvæm vinnubrögð
Reynsla af kynningum og upplýsingagjöf til æðstu stjórnenda
Gott vald á íslensku og ensku, bæði talaðri og ritaðri
Frekari upplýsingar um starfið
Umsóknarfrestur er til og með 10. ágúst 2023. Umsókn óskast fyllt út á www.intellecta.is og þarf henni að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Umsóknir gilda í sex mánuði frá dagsetningu auglýsingar. Áhugasamir einstaklingar óháð kyni eru hvattir til að sækja um.Náttúruhamfaratrygging Íslands er opinber stofnun sem hefur það hlutverk að vátryggja eignir gegn náttúruhamförum. Að jafnaði starfa 6-7 starfsmenn hjá NTÍ, en þegar stórir tjónsatburðir eiga sér stað geta orðið miklar breytingar á starfsmannafjölda til skemmri tíma. Starfslýsingu fyrir starfið má finna á: www.intellecta.is/nti og kynningarmyndband um NTÍ má finna á: https://www.youtube.com/watch?v=RkkLzbuPX30.
