Innskrá
Búa til aðgang
Sérfræðingur í hjúkrun – Heilsugæslan Efra-Breiðholti
Heilsugæslan í Efra-Breiðholti auglýsir eftir sérfræðingi í hjúkrun. Um er að ræða nýjung á heilsugæslustöðinni sem miðar að því að efla hjúkrunarþjónustu stöðvarinnar. Starfið er 80-100% ótímabundið. Æskilegt er að viðkomandi geti hafið störf 1. júní nk. eða eftir nánara samkomulagi.
Heilsugæsluhjúkrun er mjög fjölbreytt og því getur sérfræðiþekking í ýmsum sérgreinum nýst vel til að efla hjúkrunarþjónustu í heilsugæslu. Lögð er áhersla á öflugt forvarnarstarf og heilsueflingu innan heilsugæslunnar og er það stór þáttur í starfinu, sérstaklega heilsueflandi móttökur og heilsuvernd eldra fólks. Við leitum að hjúkrunarfræðingi sem er tilbúinn að takast á við fjölbreytt, krefjandi og skemmtileg verkefni í dýnamísku umhverfi.
Helstu verkefni og ábyrgð
- Greinir þarfir, skipuleggur meðferð sem hentar skjólstæðingahópum og metur árangur meðferðar
- Veitir sérhæfða hjúkrunarmeðferð
- Er leiðtogi á sínu sérsviði í þverfaglegri samvinnu
- Þróar verklag og innleiðir á viðkomandi sérsviði
- Metur fræðsluþarfir samstarfsfólks og hefur frumkvæði að fræðslu
- Þróar fræðsluefni fyrir skjólstæðinga og metur árangur
- Veitir ráðgjöf til starfsmanna og stjórnenda
- Samþættir og nýtir fræðilega, gagnreynda þekkingu í starfi
Hæfniskröfur
- Íslenskt hjúkrunarleyfi
- Sérfræðileyfi í hjúkrun
- Reynsla af heilsugæsluhjúkrun æskileg
- Þekking og áhugi á heilsueflingu og forvarnarstarfi
- Mikil samskiptahæfni og sveigjanleiki
- Sjálfstæði í starfi, skipulagshæfni og öguð vinnubrögð
- Reynsla og áhugi á teymisvinnu
- Íslensku- og enskukunnátta og góð almenn tölvukunnátta
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt til þess að óska eftir hreinu sakavottorði.
Mat á hæfni umsækjenda byggist á innsendum gögnum og viðtölum við umsækjendur. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.
Starfshlutfall er 80-100%
Umsóknarfrestur er til og með 02.05.2023
Nánari upplýsingar veitir
Vildís Bergþórsdóttir
–
[email protected]
–
821-2160
Nanna Sigríður Kristinsdóttir
–
[email protected]
–
513-5300
