Skatturinn leitar að öflugum liðsauka til starfa á starfsstöð Skattsins í Reykjavík og til að slást í hóp skemmtilegra starfsmanna á eftirlits- og rannsóknasviði.
Við störf eftirlits- og rannsóknasviðs er lögð áhersla á fagmennsku í öllum verkum. Allar aðgerðir sviðsins miða að því að styrkja tekjuöflun hins opinbera, fyrirbyggja og upplýsa skattundanskot og önnur brot á skattframkvæmd auk þess að stuðla að upprætingu peningaþvættis og fjármögnunar hryðjuverka. Við öflugt skatteftirlit og -rannsóknir er áhersla lögð á að nýta nýjustu tækni á hverjum tíma, þ. á m. gagnagrunna, gervigreind og stafrænar lausnir.
Gildi skattsins eru fagmennska, framsækni og samvinna og eru þau ávallt haft til viðmiðunar við ráðningar í störf hjá Skattinum.
Helstu verkefni og ábyrgð
Eftirlit með viðskiptum tengdra lögaðila yfir landamæri.
Greining og mat á óeðlilegri verðlagningu í viðskiptum skjölunarskyldra lögaðila.
Annast málsmeðferð í ágreiningsmálum
Hæfniskröfur
Kröfur til menntunar og reynslu:
Viðeigandi háskólamenntun, t.d. á sviði reikningsskila, hagfræði eða lögfræði (lágmark er B.S./B.A. gráða en meistaragráða er æskileg).
Þekking og reynsla á almennri skattframkvæmd og málsmeðferð er nauðsynleg.
Þekking og reynsla á sviði reiknings- eða skattskila er nauðsynleg.
Almennar kröfur um hæfni:
Gott vald á íslensku í töluðu og rituðu máli er skilyrði, önnur tungumálakunnátta er kostur.
Góð greiningarhæfni.
Lipurð og færni í mannlegum samskiptum.
Öguð, nákvæm og sjálfstæð vinnubrögð.
Frumkvæði, metnaður og geta til að vinna undir álagi.
Jákvæðni og rík þjónustulund.
Samstarfshæfni sem og reynsla og færni af teymisvinnu.
Góð almenn tölvukunnátta.
Hreint sakavottorð.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Sótt er um starfið á skatturinn.is eða starfatorg.is. Ferilskrá þarf að fylgja, auk kynningarbréfs með upplýsingum um menntun, fyrri störf, umsagnaraðila o.fl. sem máli skiptir svo að umsókn teljist fullnægjandi. Umsækjendum um störf hjá Skattinum kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.
