Sérfræðingur í svæfinga- og gjörgæslulækningum

Sérfræðingur í svæfinga- og gjörgæslulækningum

Laus er til umsóknar staða sérfræðings í svæfinga- og gjörgæslulækningum á Sjúkrahúsinu á Akureyri. Starfshlutfall er 100% eða eftir samkomulagi. SAk er sérgreina- og kennslusjúkrahús og Akureyri er miðstöð fastvængja sjúkraflugs á Íslandi. Sjúkrahúsið er alþjóðlega vottað af DNV-GL og styðst við ISO vottað gæðakerfi. Æskilegt er að viðkomandi geti hafið störf sem fyrst. 

Næsti yfirmaður er Oddur Ólafsson forstöðulæknir svæfinga- og gjörgæslulækninga.

Helstu verkefni og ábyrgð

• Starfinu fylgir hefðbundin vinna í svæfingu og gjörgæslu, deyfingar við fæðingar og þjónusta við sjúklinga á bráðamóttöku eftir þörfum
• Einnig fylgir starfinu þátttaka í kennslu heilbrigðisstétta, þjálfun ungra lækna og gæðavinnu
• Möguleiki er á rannsóknarvinnu
• Æskilegt er að umsækjandi sé reiðubúinn að taka þátt í læknisfræðilegri þjónustu við sjúkraflug

Hæfniskröfur

• Fullgild réttindi í svæfinga- og gjörgæslulækningum á Íslandi
• Æskilegt er að umsækjandi hafi lokið námskeiðum í sérhæfðri endurlífgun fullorðinna (ALS) og barna (EPLS)
• Kostur væri að hafa lokið námskeiði í meðhöndlun fjöláverkasjúklinga svo sem European Trauma Course (ETC) eða Advanced Trauma Life Support (ATLS)
• Við ráðningu verður lögð áhersla á faglega þekkingu, ásamt hæfileikum á sviði samskipta, samvinnu og sjálfstæðra vinnubragða
• Krafa er gerð um íslensku- eða enskukunnáttu samsvarandi stigi C1 í samevrópska tungumálastaðlinum (CEFRL)

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsóknum skal skilað rafrænt á vef sjúkrahússins www.sak.is. 

Umsóknum skulu fylgja ítarlegar upplýsingar um nám, fyrri störf, reynslu af stjórnunarstörfum ásamt upplýsingum um fræðilegar rannsóknir og ritstörf, auk kennslustarfa eftir því sem við á. 

Öllum umsóknum verður svarað þegar ákvörðun um ráðningu hefur verið tekin.  Við ráðningar í störf er tekið mið af jafnréttisstefnu sjúkrahússins sem er reyklaus vinnustaður. 

Gildi Sjúkrahússins á Akureyri eru: ÖRYGGI SAMVINNA FRAMSÆKNI. Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi. Áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir. 

Umsóknir geta gilt í 6 mánuði frá því að umsóknarfrestur rennur út, sbr. 2 gr. reglna nr. 464/1996, um auglýsingar á lausum störfum.

Starfshlutfall er 100%

Umsóknarfrestur er til og með 06.02.2023

Nánari upplýsingar veitir

Oddur Ólafsson
–
[email protected]
–
463-0100
Sigurður Einar Sigurðsson
–
[email protected]
–
463-0100

Smelltu hér til að sækja um starfið