Sérfræðistarf hjá Samhæfingarstöð krabbameinsskimana

Sérfræðistarf hjá Samhæfingarstöð krabbameinsskimana

Heilsugæsla höfuðborgarsvæðisins leitar eftir sérfræðingi hjá Samhæfingarstöð krabbameinsskimana til að m.a. sjá um rekstur vél- og hugbúnaðarkerfa einingarinnar sem við kemur skimun krabbameina. Um er að ræða ótímabundið 100% starf. Æskilegt er að viðkomandi geti hafið störf sem fyrst eða skv. nánara samkomulagi. 

Samhæfingarstöð krabbameinsskimana fer með skipulag og utanumhald lýðgrundaðra skimana fyrir brjósta- og leghálskrabbameinum og krabbameinum í ristli og endaþarmi. 

Nánari upplýsingar um Samhæfingarstöð krabbameinsskimana má finna á vef Heilsugæslunnar (www.heilsugaeslan.is)

Helstu verkefni og ábyrgð

• Rekstur vél- og hugbúnaðarkerfa einingarinnar sem við kemur skimun krabbameina
• Gagnavinnsla og skýrslugerð vegna gæðaeftirlits
• Þróun og viðhald gagnagrunna, ETL ferla, gagnaskila og gagnaprófana
• Sjálfvirknivæðing gagnaferla
• Ráðgjöf um kerfisnotkun og vinnuflæði
• Þarfagreining hugbúnaðarkerfa til umbóta og þróunar, rannsókn kerfisbilana, skipulagning prófana og útgáfa í samvinnu við samstarfsaðila
• Lýsing á stöðlum og leiðbeiningum um tæknilega framkvæmd skimunar

Hæfniskröfur

• Háskólapróf í tölvunarfræði, verkfræði eða sambærilegt nám sem nýtist í starfi
• Þekking gagnagrunnskerfum og gagnagrunnsforritun (t.d. Oracle PL/SQL)
• Þekking á Microsoft hugbúnaði
• Þekking á Python er kostur
• Þekking á þróun hugbúnaðarkerfa og hugbúnaði til gagnagreiningar er kostur
• Reynsla af daglegum rekstri og vinnuflæði skimunar fyrir krabbameinum er kostur
• Góð skipulagshæfni, öguð og sjálfstæð vinnubrögð og rík öryggisvitund
• Góð samvinna og samskiptahæfni, þar sem verkefnið krefst góðra samskipta við samstarfsaðila og hagsmunaaðila
• Góð íslensku og ensku kunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Fræðagarður hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. 

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 100%

Umsóknarfrestur er til og með 02.05.2023

Nánari upplýsingar veitir

Ágúst Ingi Ágústsson
–
[email protected]
–
513-6700

Smelltu hér til að sækja um starfið