Starf bókara í matvælaráðuneyti

Starf bókara í matvælaráðuneyti

Í matvælaráðuneytinu er laust til umsóknar starf bókara á skrifstofu fjármála. Starfið lýtur að færslu bókhalds, afstemmingu og skýrslugerð ásamt ýmiskonar úrvinnslu úr bókhaldi.

Undir skrifstofuna heyra mál sem lúta að rekstri ráðuneytisins, mannauðsmálum, skjalavistun og miðlun upplýsinga auk þess sem skrifstofan veitir fagskrifstofum ráðuneytisins stoðþjónustu. Þá fer skrifstofan með skiptingu á fjárhagsramma ráðuneytisins og annast framkvæmd og eftirfylgni fjárlaga.

Helstu verkefni og ábyrgð

Bókari hefur umsjón með bókhaldi matvælaráðuneytisins, en ráðuneytið notar Oracle viðskiptahugbúnað. Helstu verkefni eru merking og skráning reikninga sem og uppgjör og afstemming ýmis konar tengd bókhaldi. Þá sér bókari um móttöku og úrvinnslu reikninga sem berast rafrænt. Ennfremur hefur bókari samskipti við aðrar stofnanir og viðskiptavini varðandi bókhald og sinnir ýmsum verkefnum sem upp koma í daglegum rekstri.

Hæfniskröfur

• Menntun sem nýtist í starfi.
• Reynsla og þekking af færslu bókhalds og afstemmingu nauðsynleg.
• Góð kunnátta í töflureikni og færni í helstu notendaforritum nauðsynleg.
• Reynsla eða þekking á fjárhagskerfi ríkisins er kostur.
• Skipulögð og sjálfstæð vinnubrögð ásamt hæfileika og getu til að vinna hratt og vel undir álagi.
• Frumkvæði og metnaður til að sýna árangur í starfi.
• Gott vald á íslensku og ensku í ræðu og riti.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Starfsmenn ráðuneytisins starfa skv. kjarasamningum félags starfsmanna Stjórnarráðsins og Félags háskólamenntaðra starfsmanna Stjórnarráðsins eftir því sem við á.

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og hvernig umsækjandi uppfyllir hæfniskröfur. Æskilegt er að viðkomandi geti hafið störf sem fyrst. Athygli er vakin á því að umsóknir geta gilt í 6 mánuði frá því að umsóknarfrestur rennur út, með vísan til 3. tl. 2. mgr. 2. gr. reglna um auglýsingar á lausum störfum, með síðari breytingum nr. 464/1996 sem settar eru samkvæmt heimild í 2. mgr. 7. gr. laga nr. 70/1996 um réttindi og skyldur starfsmanna ríkisins. Áhugasamir einstaklingar af öllum kynjum eru hvattir til að sækja um starfið. Öllum umsóknum verður svarað þegar ákvörðun um ráðningu hefur verið tekin.

Starfshlutfall er 100%

Umsóknarfrestur er til og með 06.02.2023

Nánari upplýsingar veitir

Benedikt Árnason, ráðuneytisstjóri
–
[email protected]

Smelltu hér til að sækja um starfið