Starf gjaldkera laust á innheimtu- og skráasviði Skattsins
Viltu slást í hóp einstakra gjaldkera á innheimtu- og skráasviði Skattsins? Við leitum nú að nýjum einstaklingi í skattafjölskylduna okkar sem hefur yfir að ráða miklu magni af jákvæðni, velvilja og góðri þjónustulund.
Innheimtu- og skráasvið annast innheimtu opinberra gjalda í stjórnsýsluumdæmi sýslumanns á höfuðborgarsvæðinu. Þar fer einnig fram vanskilainnheimta og erlend innheimta samkvæmt gagnkvæmum innheimtusamningum. Þar er einnig sinnt eftirlits- og leiðbeiningarhlutverki með innheimtumönnum ríkissjóðs á landsvísu auk þess að sjá um rekstur fyrirtækja- og ársreikningaskráa á landsvísu. Sviðið skiptist í þrjár deildir, þ.e. afgreiðslu, fyrirtækja- og ársreikningaskrá og lögfræðiinnheimtu. Á sviðinu er einnig starfrækt stoðþjónustueining sem starfar þvert á sviðið. Umrætt starf tilheyrir afgreiðslueiningunni.
Gildi Skattsins eru fagmennska, framsækni og samvinna.
Helstu verkefni og ábyrgð
Almenn upplýsingagjöf og úrlausn mála í tengslum við innheimtu skatta og gjalda,
fyrirtækja- og ársreikningaskrár og tollamál.
Móttaka og ráðstöfun greiðslna og gagna.
Samskipti við gjaldendur á starfsstöð embættisins.
Samskipti við innlendar samstarfsstofnanir.
Framtalsaðstoð.
Hæfniskröfur
Stúdentspróf eða samsvarandi menntun.
Skipulögð, nákvæm og sjálfstæð vinnubrögð.
Gott vald á íslensku og ensku í töluðu og rituðu máli, önnur tungumálakunnátta er kostur.
Fáguð framkoma og lipurð í samskiptum.
Jákvæðni og rík þjónustulund.
Geta til að vinna undir álagi.
Góð almenn tölvukunnátta.
Góð talnafærni.
Hreint sakavottorð.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sameyki hafa gert.
Umsóknir skulu fylltar út á vefsíðu Skattsins, skatturinn.is, eða á vefsíðu Starfatorgs, starfatorg.is. Ferilskrá, auk kynningarbréfs, sem inniheldur ítarlegar upplýsingar m.a. um menntun, fyrri störf, umsagnaraðila og annað er máli skiptir þarf að fylgja með svo umsókn teljist fullnægjandi.
Umsækjendum um störf hjá Skattinum kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.
Öllum umsóknum svarað þegar ákvörðun hefur verið tekin um ráðningar. Skatturinn hvetur fólk af öllum kynjum til að sækja um starfið.
