Þjónustustjóri sjúkraskrárkerfisins Sögu

Þjónustustjóri sjúkraskrárkerfisins Sögu

Heilsugæsla höfuðborgarsvæðisins leitar að þjónustustjóra sjúkraskrárkerfisins Sögu í deild rafrænnar þjónustu. Um er að ræða tímabundið starf til eins ár og er starfshlutfall 100%. Teymi Þjónustustjóra sinnir þjónustu við notendur sjúkraskrárkerfisins Sögu. Deildin heyrir undir svið fjármála og rekstrar sem staðsett er í Álfabakka 16. Æskilegt er að viðkomandi geti hafið störf sem fyrst eða eftir nánara samkomulagi.

Helstu verkefni og ábyrgð

• Notendaumsjón fyrir notendur Sögu
• Skipulagning og vandamálagreining á Sögukerfinu
• Námskeið og fræðsla fyrir notendur
• Notendaþjónusta fyrir tölvutengd lækningatæki
• Samskipti við sérfræðinga innan og utan stofnunar vegna Sögumála
• Gagnagreining úr Sögukerfinu
• Úttekt og greining gagna
• Greining og þróun á sjúkraskrárkerfinu Sögu
• Útkallsþjónusta í neyðartilfellum utan vinnutíma

Hæfniskröfur

• Menntun á heilbrigðisvísindasviði eða nám sem nýtist í starfi
• Haldgóð reynsla af vinnu við sjúkraskrárkerfið Sögu skilyrði
• Góð fagleg hæfni og þekking á sjúkraskrárkerfinu Sögu skilyrði
• Reynsla af starfi á heilsugæslustöð kostur
• Mjög góð færni í íslensku og ensku
• Góð undirstaða í notkun á upplýsingatækni og tölvubúnaði
• Eiga auðvelt með að tileinka sér nýjungar
• Framúrskarandi samskiptahæfileikar, rík þjónustulund og jákvætt hugafar
• Fagleg, markviss og öguð vinnubrögð
• Reynsla og hæfni í fræðslu- og námskeiðshaldi kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttis- og mannréttindarstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 100%

Umsóknarfrestur er til og með 23.01.2023

Nánari upplýsingar veitir

Guðmundur Marinó Ingvarsson
–
[email protected]
–
513-5000

Smelltu hér til að sækja um starfið