Nokkrar stöður tollvarða í Reykjavík eru lausar til umsóknar hjá Skattinum – Tollgæslu Íslands. Störf tollvarða eru fjölbreytt og lifandi sem henta fólki af öllum kynjum. Starfshlutfall er 100% þar sem unnið er eftir valfrjálsu vaktavinnukerfi skv. betri vinnutíma.Í tengslum við ráðningu tollvarða þurfa umsækjendur að þreyta inntökupróf/líkamsgetupróf en dagsetning prófsins verður tilkynnt eftir að umsóknarfrestur rennur út. Umsækjendur eru hvattir til að kynna sér nánari upplýsingar um prófið á vefslóðinni https://www.skatturinn.is/um-rsk/tollskoli-rikisins/inntokuprof/inntokuprof.
Meginhlutverk Skattsins er að leggja grunn að samfélagslegri þjónustu með því að tryggja tekjuöflun ríkis og sveitarfélaga. Með virku eftirliti, rannsóknum og tollgæslu stuðlar Skatturinn að jafnræði og virkri samkeppni og leggur sitt af mörkum til að vernda samfélagið.
Helstu verkefni og ábyrgð
Starf tollvarðar felur m.a. í sér:
Greiningu á áhættu í vöru- og farþegaflæði og úrvinnslu gagna.
Sérhæfðar leitir, svo sem í bílum, með gegnumlýsingarbúnaði o.s.frv.
Almennt tolleftirlit á vettvangi, svo sem í skipum, flugvélum, bílum, gámum, póstsendingum og með farþegum.
Hæfniskröfur
Stúdentspróf eða menntun sem má meta til jafns við það.
Greiningarhæfileikar.
Gott vald á íslensku, ensku og einu Norðurlandamáli.
Hæfni til að tjá sig í ræðu og riti.
Gott andlegt og líkamlegt atgervi.
Samviskusemi, nákvæmni og traust vinnubrögð.
Hæfni í mannlegum samskiptum.
Almenn ökuréttindi.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Tollvarðafélag Íslands hafa gert.
Umsækjendur um störf tollvarða þurfa auk ofangreinds að hafa náð 20 ára aldri sem og að geta framvísað hreinu sakavottorði.
Reynsla og þekking úr öðrum störfum nýtist vel í starfi tollvarða. Háskólamenntun er einnig eftirsóknarverð þar sem í mörgum verkefnum er áhersla á greiningarhæfni, talnalæsi, tölfræði, skýrslugerð og tölvufærni.
Umsóknir skulu fylltar út á vef Starfatorgs, starfatorg.is. Ferilskrá, auk kynningarbréfs, sem inniheldur ítarlegar upplýsingar m.a. um menntun, fyrri störf, umsagnaraðila og annað er máli skiptir þarf að fylgja með svo umsókn teljist fullnægjandi.
Um starfskjör, réttindi og skyldur gilda að öðru leyti lög um réttindi og skyldur starfsmanna ríkisins nr. 70/1996.
