Verkefnastjóri við Heilbrigðis-, viðskipta og raunvísindasvið

Verkefnastjóri við Heilbrigðis-, viðskipta og raunvísindasvið

Háskólinn á Akureyri auglýsir laust til umsóknar tímabundið starf verkefnastjóra á skrifstofu Heilbrigðis-, viðskipta- og raunvísindasviðs til afleysingar vegna fæðingarorlofs. Ráðning er frá 1. febrúar 2023 til 31. janúar 2024.

Helstu verkefni og ábyrgð

Starfið felur í sér aðstoð við upplýsingagjöf, skráningu og almenna stjórnsýslu á sviðinu ásamt öðrum verkefnum eftir þörfum sviðsins hverju sinni. Viðkomandi starfsmaður mun einnig starfa með deildarforsetum  og öðru starfsfólki sviðsins að umbótum á skipulagi, undirbúningi og framkvæmd náms.

Um fullt starf er að ræða. Næsti yfirmaður er skrifstofustjóri sviðsins og starfsstöð er á Akureyri.

Um er að ræða áhugavert og fjölbreytt starf sem reynir á nákvæmni, samskiptahæfni og fagmennsku. Starfið felst í miklum samskiptum, samvinnu og þjónustu við starfsfólk og nemendur sviðsins. Heilbrigðis-, viðskipta- og raunvísindasvið Háskólans á Akureyri býður upp á nám í fimm deildum, Auðlindadeild, Hjúkrunarfræðideild, Iðjuþjálfunarfræðideild, Viðskiptadeild og Framhaldsnámsdeild þar sem boðið er upp á þverfaglegt framhaldsnám í heilbrigðisvísindum. 

Hæfniskröfur

• Háskólapróf sem nýtist í starfi, meistarapróf æskilegt
• Reynsla af skrifstofustörfum og þekking og/eða reynsla af verkefnastjórnun er æskileg
• Reynsla af þróun og vinnu með gæðaferla er kostur
• Þekking á háskólaumhverfinu og opinberri stjórnsýslu er kostur
• Góð almenn tölvukunnátta og hæfileiki til að nýta sér þekkingu
• Gott vald á íslensku og ensku í ræðu og riti
• Góð samskiptafærni, sjálfstæð og vönduð vinnubrögð, rík þjónustulund, jákvæðni og lipurð í mannlegum samskiptum

Umsókn skal fylgja: 

• Ítarleg náms- og ferilskrá
• Staðfest afrit af prófskírteinum
• Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið
• Tilnefna skal tvo meðmælendur. Æskilegt er að annar þeirra sé næsti yfirmaður umsækjanda í núverandi eða fyrra starfi hans

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu í starfið hefur verið tekin. Umsókn getur gilt í sex mánuði eftir að umsóknarfresti lýkur, sbr. 2. gr. reglna nr. 464/1996. Háskólinn á Akureyri áskilur sér jafnframt rétt til að hafna öllum umsóknum.

Háskólinn á Akureyri stuðlar að jafnrétti kynja og hvetur öll kyn  til að sækja um laus störf.

Starfshlutfall er 100%

Umsóknarfrestur er til og með 30.11.2022

Nánari upplýsingar veitir

Anna Bryndís Sigurðardóttir, skrifstofustjóri Heilbrigðis-, viðskipta-, og raunvísindasviðs
–
[email protected]
–
4608036

Smelltu hér til að sækja um starfið