Deildarstjóri í Leikskólann Geislabaug

Deildarstjóri óskast til starfa í leikskólann Geislabaug.

Geislabaugur er 5 deilda leikskóli með 104 börnum. Leikskólinn stendur við Kristnibraut 26 í Grafarholti í Reykjavík. Einkunnarorð leikskólans eru Virðing – Sköpun – Gleði – Jafnrétti. Leikskólinn starfar eftir hugmyndafræði Reggio Emilia þar sem barnið er í brennidepli og leikurinn er hornsteinn starfsins.

Áhersla er lögð á skapandi starf, lýðræði og gefa öllum börnum jöfn tækifæri til náms, einnig erum við í innleiðingu jákvæðs aga. Leikskólinn hefur fengið Hvatningaverðlaun skóla og frístundasviðs og fengið styrk fyrir kennara til náms og þjálfunar á Ítalíu frá Erasmus +

Gott samstarf er á milli skólana í hverfinu og höfum við tekið þátt í þróunarverkefni sem hafði það markmið að efla læsi í hverfinu. Tökum einnig virkan þátt í innleiðingu nýju menntastefnu Reykjavíkurborgar, Látum draumana rætast, og höfum fengið styrk vegna læsisverkefnis sem ber heitið Orð eru til alls vís. Er það einnig samstarfsverkefni skólanna í hverfinu.

Við erum metnaðarfullur og framsækinn leikskóli og horfum frekar til tækifæra en hindrana. Vilt þú starfa í teymi með fjölbreytta þekkingu á leikskólastarfi?

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð.

• Að vinna að uppeldi og menntun leikskólabarna samkvæmt starfslýsingu deildarstjóra..
• Ber ábyrgð að unnið sé eftir skólanámskrá og starfsáætlun leikskólans.
• Annast daglega verkstjórn á deild, skipulagningu, framkvæmd og endurmati deildarstarfs.
• Ber ábyrgð á upplýsingagjöf og samvinnu við foreldra. Hefur umsjón með móttöku, þjálfun og leiðsögn nýrra starfsmanna á deildinni.

Hæfniskröfur

• Leikskólakennaramenntun og leyfisbréf kennara.
• Reynsla af uppeldis- og kennslustörfum með börnum æskileg. Lipurð og sveigjanleiki í samskiptum.
• Frumkvæði í starfi og faglegur metnaður.
• Sjálfstæð og skipulögð vinnubrögð.
• Íslenskukunnátta skv B2-samevrópska tungumálarammanum

Fríðindi í starfi:

• Menningarkort – bókasafnskort
• Samgöngustyrkur
• Sundkort
• 36 stunda vinnuvika fyrir fullt starf
• Heilsuræktarstyrkur

Laun eru samkvæmt samningi Sambands íslenskra sveitarfélaga og KÍ v/ Félags leikskólakennara.

Nánari upplýsingar um starfið veitir Þóra Jóna Jónatansdóttir í síma 411-3860 eða með því að senda fyrirspurnir á netfangið Thora.Jona.Jonatansdottir@rvkskolar.is

Heimasíða leikskólans

Tagged as: atvinna í boði, Draumastarfið, leikskóli, reykjavikurborg