Háskóli Íslands
Betri háskóli – betra samfélag
Laust er til umsóknar fullt starf dósents á fræðasviði fæðinga- og kvensjúkdómafræði við Læknadeild Háskóla Íslands og starf yfirlæknis á kvenna- og barnaþjónustu Landspítala. Um er að ræða samhliða störf samkvæmt samstarfssamningi stofnanna og verður einn og sami umsækjandinn ráðinn í bæði störfin.
Dómnefnd sem skipuð er á grundvelli reglna nr. 569/2009 fyrir Háskóla Íslands og stöðunefnd sem skipuð er á grundvelli laga nr. 40/2007 um heilbrigðisþjónustu metur hvort umsækjendur uppfylli lágmarksskilyrði til þess gegna hvoru starfi fyrir sig.
Sameiginleg valnefnd Háskóla Íslands og Landspítala, sem starfar á grundvelli reglna nr. 385/2003, mun gera tillögu um það hvaða umsækjandi verður talinn hæfastur til að gegna þessum samhliða störfum, á grundvelli heildarmats á þeim sjónarmiðum sem liggja til grundvallar ráðningu í hvort starf fyrir sig.
Kennsla á fræðasviðinu, þ.m.t. klíníska kennsla á Landspítala.
Skipulag námskeiðs læknanema í fæðinga- og kvensjúkdómafræði.
Gegnir starfi forstöðumanns fræðasviðs fæðinga- og kvensjúkdómafræði innan Læknadeildar samkvæmt skipan deildarráðs.
Vinnur að uppbyggingu og þróun fæðinga- og kvensjúkdómafræði við Landspítala með áherslu á kennslu, rannsóknir og þróun klínískrar þjónustu í samráði við aðra yfirlækna, framkvæmdastjóra og forstöðulækni sviðsins og framkvæmdastjóra lækninga.
Stuðlar að þverfaglegri samvinnu og uppbyggingu vísinda- og rannsóknarstarfs í samstarfi við önnur fræðasvið en læknisfræði.
Stuðlar að því að greining og meðferð sjúkdóma taki mið af gagnreyndri læknisfræði og hagkvæmni í rekstri.
Vinnur að bættri öryggismenningu og öflugu gæðastarfi á Landspítala.
Sinnir kínískum störfum í samráði við yfirlækna kvenna- og barnaþjónustu.
Stjórnunarstörf, s.s. nefndastörf, seta í ráðum og leiðtogahlutverkí rannsóknarhópum.
Doktorspróf eða próf sem jafnað verður til doktorsprófs, eða jafngild hæfni að mati dómnefndar.
Sérfræðileyfi í fæðinga- og kvensjúkdómafræði.
Rannsóknavirkni á fræðasviðinu, sjálfstæði og frumkvæði í rannsóknum.
Reynsla af háskólakennslu, fræðilegri og klíniskri og leiðbeiningu til æðri háskólagráðu.
Stjórnunarreynsla sem nýtist í tengslum við fyrirhuguð verkefni.
Reynsla af öflun styrkja til rannsóknarstarfa.
Jákvætt viðmót og góð hæfni í mannlegum samskiptum.
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Sú/sá sem ráðin/n verður er sameiginlegur starfsmaður Háskóla Íslands og Landspítala í fullu starfi en hefur ráðningarsamning við hvora stofnun fyrir sig þar sem nánar er fjallað um starfsskyldur og verkefni í samræmi við samstarfssamning Háskóla Íslands og Landspítala frá 13. desember 2018. Ráðið verður í starf dósents til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009, en ráðning í starf yfirlæknis er samkvæmt 5. mgr. 9.gr. laga nr. 40/2007 og stefnu Landspítala í ráðningum stjórnenda. Í báðum ráðningarsamningum er tekið fram að forsenda ráðningar í hvort starf um sig sé ráðning í samhliða starf á hinni stofnuninni.
Laun í starfi dósents eru samkvæmt kjarasamningi fjármálaráðherra f.h. ríkissjóðs við Félag háskólakennara en laun í starfi yfirlæknis eru samkvæmt kjarasamningi fjármálaráðherra f.h. ríkissjóðs og Læknafélags Íslands.
Við ráðningu verður miðað við, að sá er þessi samhliða störf hlýtur falli sem best að aðstæðum og þörfum Læknadeildar og kvenna- og barnaþjónustu Landspítala.
Um meðferð umsókna, mat á hæfi umsækjenda og ráðningu í störfin er farið eftir ákvæðum laga nr. 85/2008 um opinbera háskóla, reglna um Háskóla Íslands nr. 569/2009 og ákvæðum laga um heilbrigðisþjónustu nr. 40/2007, eftir því sem við á í hvoru starfi fyrir sig.
Gert er ráð fyrir að ofangreind samhliða störf verði veitt frá 1. september 2024, enda verði þá lokið störfum þeirra nefnda sem um málið fjalla.
Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.
Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.
Reglur um ráðningar og málefni starfsmanna sem hafa starfsskyldur hjá Háskóla Íslands og Landspítala eru aðgengilegar á vefnum, sjá hér: http://www2.hi.is/Apps/WebObjects/HI.woa/swdocument/1003186/385.pdf
Við ráðningu í störf í Háskóla Íslands er tekið mið af jafnréttisáætlun skólans, sjá hér: https://www.hi.is/haskolinn/jafnrettisaaetlun#markmid2 og við ráðningu í störf á Landspítala er tekið mið af jafnréttisáætlun spítalans, sjá hér: https://www.landspitali.is/library/Sameiginlegar-skrar/Gagnasafn/Nefndir-og-rad/Jafnrettisnefnd/Jafnrettisa%C3%A6tlun%5FLSH-2018-sam%C3%BEykk.pdf
Vakin er athygli á málstefnu Háskóla Íslands, sjá hér: https://www.hi.is/haskolinn/malstefna%5Fhaskola%5Fislands
Nánari upplýsingar um starfið veita Þórarinn Guðjónsson, forseti Læknadeildar Háskóla Íslands (tgudjons@hi.is / 525 4827) og Dögg Hauksdóttir, framkvæmdastjóri kvenna- og barnaþjónustu á Landspítala (dogghauk@landspitali.is / 543 1000).
Starfshlutfall er 100%
Umsóknarfrestur er til og með 30.05.2024
Þórarinn Guðjónsson, tgudjons@hi.is
Sími: 525 4827
Aðjúnkt 2 í stærðfræði Hlusta Laust er til umsóknar fullt starf aðjúnkts 2 í stærðfræði við Námsbraut í stærðfræði innan...
Apply For This JobDoktorsnemi í lífefnafræði/sameindalíffræði við Lífvísindasetur Háskóla Íslands Hlusta Við leitum að doktorsnema til að vinna að rannsóknaverkefni við Lífvísindasetur Háskóla...
Apply For This JobDoktorsnemi í sníkjudýrafræði Hlusta Auglýst er eftir doktorsnema sem kemur til með að starfa undir handleiðslu Dr Haseeb Randhawa og...
Apply For This JobNýdoktor við rannsóknir á hormónasvari æðaþels Hlusta Við leitum að nýdoktor til að vinna að rannsóknaverkefni við Lífvísindasetur Háskóla Íslands...
Apply For This Job