Log In
Sign Up
Norðlingaskóli er heildstæður grunnskóli með um 600 nemendur í 1. – 10. bekk. Við skólann er samþætt grunnskóla- og frístundastarf.
Stefna og starf Norðlingaskóla grundvallast á því lífsviðhorfi að hverjum einstaklingi skuli búinn námsskilyrði svo hann megi þroskast og dafna á eigin forsendum og útskrifast úr grunnskóla sem sjálfstæður, sterkur og lífsglaður einstaklingur.
Áhersla er m.a. á náið samráð við foreldra, nýbreytni og skólaþróun þar sem allt skólastarf byggir á teymisvinnu starfsfólks.
Yfirmaður í mötuneyti skólans ber ábyrgð á matseld fyrir nemendur og starfsmenn. Lögð er áhersla á fjölbreyttan og hollan mat þar sem eldað er samkvæmt manneldismarkmiðum og notast er við viðmið skóla- og frístundasviðs Reykjavíkurborgar. Yfirmaður mötuneytis hefur yfirumsjón með matreiðslu, eftirliti, hönnun matseðla, frágangi í eldhúsi, samskiptum við birgja auk innkaupa á hráefni og bókhald.
Helstu verkefni og ábyrgð
- Umsjón með gerð matseðla.
- Að elda mat fyrir nemendur og starfsfólk.
- Að taka tillit til ýmissa sérþarfa í mataræði.
- Sjá um tilfallandi veitingar á fundum.
- Yfirumsjón með uppvaski og frágangi í eldhúsi og kaffiaðstöðu starfsmanna.
- Jákvæð samskipti við börn og fullorðna.
- Innkaup, samskipti við birgja, stjórnun og skipulag í mötuneyti í samvinnu við skólastjórnendur.
Hæfniskröfur
- Menntun og reynsla á sviði matreiðslu fyrir stóra hópa.
- Þekking á rekstri mötuneyta.
- Þekking á næringarfræði og fæðuofnæmi.
- Framúrskarandi færni og lipurð í samskiptum.
- Sjálfstæð og skipulögð vinnubrögð.
- Frumkvæði í starfi, reglusemi og stundvísi.
- Geta til að vinna undir álagi.
- Góð íslenskukunnátta.
Frekari upplýsingar
Laun eru samkvæmt kjarasamningum Reykjavíkurborgar og Sameykis.
Um er að ræða 100% ótímabundið starf sem er laust frá 1. ágúst 2024.
Nánari upplýsingar veitir Aðalbjörg Ingadóttir skólastjóri í síma 411-7640 og á Adalbjorg.Ingadottir@rvkskolar.is
