Tungumálakennsla á unglingastigi – Norðlingaskóli Fullt starf

Norðlingaskóli óskar eftir að ráða umsjónarkennara í 8. – 10. bekk í 100% stöðugildi, með áherslu á tungumálakennslu þ.e. íslensku, ensku og dönsku, frá 1. ágúst 2024. Um er að ræða tímabundið starf skólaárið 2024-2025.

Norðlingaskóli er heildstæður grunnskóli með um 600 nemendur í 1. – 10. bekk. Skólinn er staðsettur í einstöku umhverfi í Reykjavík, þ.e. í Norðlingaholti. Við skólann er samþætt grunnskóla- og frístundastarf.

Stefna og starf Norðlingaskóla grundvallast á því lífsviðhorfi að hverjum einstaklingi skuli búinn námsskilyrði svo hann megi þroskast og dafna á eigin forsendum og útskrifast úr grunnskóla sem sjálfstæður, sterkur og lífsglaður einstaklingur.

Áhersla er m.a. á náið samráð við foreldra, samkennslu árganga, einstaklingsmiðað nám, smiðjuvinnu, nýbreytni og skólaþróun. Allt skólastarf byggir á teymisvinnu starfsfólks. Þá leggur skólinn mikla áherslu á að vera í nánum tengslum við grenndarsamfélagið.

Helstu verkefni:

• Skipuleggur nám og kennslu nemenda í 8. – 10. bekk með stjórnendum og öðrum kennurum í teyminu.
• Sinnir kennslu og umsjón með nemendum og tekur þátt í þróun rafrænna kennsluhátta.
• Vinnur að annarri þróun skólastarfs með stjórnendum og samstarfsmönnum. Stuðlar að velferð nemenda í samstarfi við foreldra og annað fagfólk.

Hæfniskröfur:

• Leyfi til að nota starfsheitið kennari.
• Hæfni í mannlegum samskiptum og sveigjanleiki í starfi.
• Faglegur metnaður og frumkvæði í starfi.
• Reynsla og áhugi á að starfa með börnum.
• Áhugi og vilji til að starfa í teymisvinnu.
• Áhugi á rafrænum kennsluháttum.
• Góð íslenskukunnátta er skilyrði.

Frekari upplýsingar um starfið

Laun eru samkvæmt samningi Reykjavíkurborgar og Kennarasambands Íslands. Umsækjendur eru beðnir um að senda umsókn sína ásamt öllum fylgiskjölum, þar með talið leyfisbréfi til kennslu, í gegnum vef Reykjavíkurborgar um laus störf þar sem starfið er auglýst.

Starfshlutfall: 100%

Umsóknarfrestur: 3. maí 2024

Ráðningarform: Tímabundin ráðning

Umsækjendur eru beðnir um að skila umsóknum sínum ásamt ferilskrá og upplýsingum um nám og starfsreynslu rafrænt í gegnum vef Reykjavíkur þar sem starfið er auglýst.

Því miður liggja heimsíður margra grunnskóla niðri vegna netárasar og það á við um heimasíðu Norðlingaskóla. Meðan þetta ástand varir má nálgast allra helstu upplýsingar um skólann á eftirfarandi slóð https://reykjavik.is/nordlingaskoli

Nánari upplýsingar um starfið veitir Aðalbjörg Ingadóttir skólastjóri (adalbjorg.ingadottir@rvkskolar.is)

Tagged as: atvinna í boði, Draumastarfið, Grunnskóli