Hjallastefnan ehf
Hjallastefnan er kærleiksmiðuð og skapandi lýðræðisstefna
Innskrá
Búa til aðgang
Barnaskólinn í Hafnarfirði – Umsjónarkennarar á yngsta stigi
Lausar eru 100% stöður umsjónarkennara (vegna fæðingarorlofs) á yngsta stigi við Barnaskóla Hjallastefnunnar í Hafnarfirði skólaárið 2024-2025 með möguleika á framtíðarstarfi.
Um er að ræða umsjónarkennslu með litlum hópi, 10 -14 börn. Föst viðvera kennara er frá kl. 8:00-13:45 alla virka daga utan fundar frá kl. 14:00-15:30 einn dag í viku. Hjallastefnan er með kjarasamning við FG með ákvæði um aukna viðveru með börnum og fyrir það eru greiddir auka flokkar.
Í Barnaskólanum starfar einstaklega flottur og jákvæður hópur fólks og því leitum við að jákvæðum og lífsglöðum kennurum sem er tilbúnir að tileinka sér starfshætti Hjallastefnunnar af gleði og kærleika. Viðkomandi þurfa að sýna sjálfstæði í vinnubrögðum og hafa áhuga á jafnrétti og lýðræði í skólastarfi. Námsumhverfið er mjög lifandi þar sem sköpun er í fyrirrúmi því ekki er um bókastýrða kennslu að ræða.
Barnaskóli Hjallastefnunnar í Hafnarfirði er í einstaklega fallegu og skemmtilegu umhverfi með Víðistaðatúnið í bakgarðinum. Skólann sækja börn á aldrinum 5-9 ára. Jafnréttisuppeldi, skapandi hugsun, félagsþjálfun og einstaklingsstyrking eru innviðir hugmyndafræðinnar sem við teljum að geti skipt sköpum í þroska komandi kynslóða. Við hvetjum öll kyn til að sækja um starfið.
Um er að ræða 100% stöður skólaárið 2024-2025 með möguleika á framlengingu. Ráðið er í stöðurnar frá 1. ágúst 2024.
Laun eru samkvæmt samningi Hjallastefnunnar og KÍ vegna Félags grunnskólakennara.
Ef ekki tekst að ráða grunnskólakennara til starfa kemur til greina að ráða kennaranema eða leiðbeinanda með menntun og reynslu sem nýtist í starfi.
Óskað er eftir því að greinargóð ferilskrá, afrit af leyfisbréfi og prófskírteini fylgi umsókn. Umsóknir berist á netfangið barnaskolinnhfj@hjalli.is.
Við vekjum athygli á því að starfsfólk sem ráðið er til starfa við Barnaskólann þarf að skila inn sakavottorði úr sakaskrá hjá Ríkissaksóknara.
Allar frekari upplýsingar fást hjá skólastýrum Barnaskólans í gegnum netfangið barnaskolinnhfj@hjalli.is eða símleiðis; Hildur 899-9633 eða Ruth 767-0725.
