Lektor í enskukennslu og annarsmálsfræðum. Háskóli Íslands, Hugvísindasvið og Menntavísindasvið

Lektor í enskukennslu og annarsmálsfræðum. Háskóli Íslands, Hugvísindasvið og Menntavísindasvið

Laust er til umsóknar starf lektors í enskukennslu og annarsmálsfræðum. Starfið er sameiginlegt starf við Mála- og menningardeild Hugvísindasviðs og Deild faggreinakennslu á Menntavísindasviði Háskóla Íslands.  Starfið felur í sér kennslu og rannsóknir á sviði ensku, kennslufræða erlendra mála og annarsmálsfræða, sem og þátttöku í þróun þverfræðilegs samstarfs um kennslu og rannsóknir á milli Menntavísindasviðs og Hugvísindasviðs.

Helstu verkefni og ábyrgð

• Kennsla í grunnnámi og í meistaranámi, allt eftir þörfum hverju sinni, en fyrst og fremst í enskukennslu á leik-, grunn- og framhaldsskólastigi; kennslufræði erlendra tungumála; og rannsóknir og rannsóknaraðferðir á tileinkun annars máls og erlendra mála
• Umsjón með meistaraleiðum í enskukennslu á bæði Hugvísindasviði og Menntavísindasviði, sem og umsjón með grunnnámsleiðinni Grunnskólakennsla með áherslu á erlend tungumál við Menntavísindasvið
• Leiðsögn lokaverkefna nemenda í grunn- og meistaranámi
• Umsjón með vettvangsnámi og samstarf við kennara og sérfræðinga á vettvangi

Hæfniskröfur

• Umsækjendur skulu hafa lokið doktorsprófi á sviði ensku, annarsmálsfræða, hagnýtra málvísinda, menntunarfræða eða kennslufræða erlendra tungumála. Skilyrði er að doktorsvörn sé lokið.  
• Reynsla af kennslu og rannsóknum á fræðasviðinu
• Kennslureynsla í grunn- eða framhaldsskóla er æskileg
• Þekking á íslensku skólakerfi og menntastefnu er æskileg
• Krafist er mjög góðrar færni í ensku, bæði töluðu og rituðu máli
• Góð færni í íslensku, bæði töluðu og rituðu máli, er kostur. Að öðrum kosti er ætlast til að umsækjandi öðlist a.m.k. grunnfærni í íslensku máli á fyrstu tveimur árum í starfi
• Krafist er góðrar samstarfshæfni og lipurðar í mannlegum samskiptum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Horft verður til þess að ráðningin falli sem best að aðstæðum og þörfum sviðanna.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta eftirfarandi gögn fylgja umsókn sinni.

1. Kynningarbréf þar sem m.a. kemur fram hvernig umsækjandi uppfyllir hæfniskröfur
2. Prófskírteini eða eftir atvikum vottorð um námsferil
3. Akademíska ferilskrá (Curriculum Vitae)
4. Ritaskrá
5. Skýrslu um vísindastörf og önnur störf sem þeir hafa unnið
6. Greinargerð um rannsóknar- og kennsluáform ef til ráðningar kemur
7. Upplýsingar um mögulega umsagnaraðila sem hafa má samband við

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningar í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands. 

Starfshlutfall er 100%

Umsóknarfrestur er til og með 02.05.2023

Nánari upplýsingar veitir

Matthew James Whelpton
–
[email protected]
Samúel Currey Lefever
–
[email protected]

Smelltu hér til að sækja um starfið